Спорт
Барди го „начна“, Нестор го „реши“ Лихтенштајн, во понеделник Македонија става печат на првото место (видео)
Фудбалската репрезентација на Македонија е пред пласман во Ц лигата на Лигата на нации и место во плеј-офот со кое ќе се брка место на Европското првенство, откако триумфираше на гостувањето кај Лихтенштајн со 2:0 благодарение на фантастичниот гол од с…
Фудбалската репрезентација на Македонија е пред пласман во Ц лигата на Лигата на нации и место во плеј-офот со кое ќе се брка место на Европското првенство, откако триумфираше на гостувањето кај Лихтенштајн со 2:0 благодарение на фантастичниот гол од слободен удар на ѕвездата на Леванте, Енис Барди и потврдата во финишот на мечот на Илија Несторовски.
По пет натпревари, Македонија има освоено 12 поени со четири победи и еден пораз (од Ерменија на гости), три повеќе од Ерменците, кои се вратија од шокантното водство на Гибралтар да не дозволат нов шок и да победат со 2:6.
Мечот во Вадуц почна „цврсто“, откако домаќините целиот свој фокус го имаа префрлено на одбраната, играјќи „бункер“, кој нашите репрезентативци не успеаја да го „скршат“ сѐ до 53. минута, кога Сандро Визер направи фаул на работ на шестнаесетникот за што го доби својот втор жолт картон, а Барди не згреши од совршена позиција, уште еднаш покажувајќи дека е еден од најдобрите фудбалери на светот во изведување на слободни удари.
Во 90-тата минута, капитенот Пандев го проигра Александар Трајковски, кој го „повлече“ голманот и му додаде лесна топка на својот соиграч од Палермо, Илија Несторовски, кој ги постави конечните 2:0.
Мала „дамка“ на мечот фрли жолтиот картон на Горан Пандев во неговиот 99. меч во националниот дрес, што значи дека тој нема да може да игра во понеделник во мечот со Гибралтар, на кој ќе треба да се потврди првото место на четата на Игор Ангеловски. Проблеми има и за Стефан Спировски, кој помина само неколку минути на теренот како замена, пред да добие повреда на ногата по еден остар старт на противнички фудбалер.
ЛИГА Д, ГРУПА 4
Гибралтар – Ерменија 2:6
Лихтенштајн – Македонија 0:2
Табела: Македонија 12, Ерменија 9, Гибралтар 6, Лихтенштајн 4
Don Francotirador Bardhi pic.twitter.com/IOSpD4Zxfn
— Enis Bardhi Fans (@BardhiFans) November 16, 2018
Голот на Несторовски можете да го погледнете тука
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Прошталниот меч на Хамшик ќе биде проштален и за Мертенс
Белгискиот фудбалер Дрис Мертенс објави дека ја завршува кариерата на 38-годишна возраст.
Мертенс ги помина последните три сезони во Галатасарај, а славата ја стекна во дресот на Наполи, каде што играше девет години.
Токму во Неапол изгради пријателство со Марек Хамшик, а натпреварот кој ќе се одигра во чест словачкиот фудбалер ќе биде последен за Мертенс. Станува збор за ревијален натпревар во Братислава.
„Едвај чекам да го одиграм последниот натпревар со тебе. Престанав да играм фудбал, но за последен пат ќе ги облечам копачките за тебе.
За мене, ти секогаш ќе бидеш капитенот и најсилниот човек со кој некогаш сум играл“, рече Мертенс во видео порака.
Мертенс постигна 135 гола на 397 натпревари за Наполи.
Спорт
Венеција од Интер го откупи договорот на Станковиќ
Српскиот голман Филип Станковиќ официјално стана член на Венеција, која го откупи неговиот договор од Интер.
Станковиќ ја изминатата сезона ја мина во Венеција како позајмен играч, а клубот одлучи да ја активира откупната клаузула, која изнесува два милиони евра.
Синот на Дејан Станковиќ потпиша договор до 2029 година. Пред Венеција, Интер го позајми 23-годишниот голман на Волендам и Сампдорија.
Следната сезона, Станковиќ ќе брани во Серија Б, бидејќи минатата сезона клубот го зазеде претпоследното место во Серија А и испадна од лигата.
Спорт
Тринкиери ја освои титулата, па доби отказ
Андреа Тринкиери со Жалгирис ја освои титулата во литванското првенство,а 36 часа подоцна доби отказ.
Жалгирис го победи Ритас во саботата навечер и го освои литванското првенство, па се чинеше дека Тринкиери дефинитивно ќе остане на клупата за тој тим, бидејќи имаше важечки договор за следната сезона. Италијанскиот тренер го предводеше Жалгирис 18 месеци.
Литванските медиуми пишуваат дека одлуката на клубот, спогодбено да се раздели со тренерот е чудна, бидејќи Тринкиери имаше удел во формирањето на тимот за следната сезона, продолжувањето на договорот на Силван Франциско и ангажирањето на тандемот на Олимпијакос: Најџел Вилијамс-Гос и Мозес Рајт.
Се додава дека Паулијс Јанкунас и раководството на Жалгирис ќе мора да ги почитуваат деталите од договорот на Тринкиери, барем додека искусниот италијански стручњак не потпише нов договор.
Тринкиери, покрај гореспоменатата шампионска титула, му донесе и два Купа на Жалгирис, а минатата сезона во Евролигата завршија на 13-то место со учинок 15-19.
Покрај разделбата со Тринкиери, Жалгирис му се заблагодари и на неговиот помошник Масимилијано Менети.
Иранска агенција: Нападната е американската база во Сирија
Американска воена база во Сирија била цел на минофрлачки напад, јавува иранската агенција Мехр, повикувајќи се на повеќе извори. Агенцијата...
Топлотен бран во Македонија: од среда температури до 40 степени
Под влијание на многу топла воздушна маса од југ следува период на топло време со пораст на температурите. Особено топло...
(Видео) Најмалку пет жртви во руски напад врз Киев, луѓето се кријат во метро станици, нападнати станбени објекти
Пет лица загинаа во синоќешните напади на Русија врз Киев со беспилотни летала и ракети. Повредени се десетици луѓе, а...
Се огласи врховниот лидер на Иран: Ционистичкиот непријател направи голема грешка, мора да биде казнет
Додека светот ја чека најавената иранска одмазда за нападите на САД врз нуклеарните постројки, врховниот лидер на Иран, ајатолахот Али...
ДОМ ја напушта коалицијата со СДСМ
Централниот одбор на ДОМ (Демократска обнова на Македонија) на седницата која ја одржа викендов одлучи да ја напушти коалицијата со...
Нефункционални лифтови и проблеми со топла вода во домовите, алармираат студентите
Универзитетското студентско собрание на Универзитетот „Св. Кирил и Методиј“ во Скопје (УСС-УКИМ), имајќи ја предвид важноста на безбедноста, удобноста и...
Скопјанец ја истепал 4-годишната ќерка кога се качила на креветот за да ги земе играчките, има набиеница на главата, се бара притвор
Против 28-годишен скопјанец е поведена постапка за нанесување телесна повреда врз четиригодишната ќерка. Основното јавно обвинителство Скопје ја иницираше постапката поради...
Иран: Ние претрпевме штета, но нашето нуклеарно знаење не може да биде уништено
По американските напади во неделата, Иран смета дека неговото знаење во нуклеарната технологија не може да биде уништено. „Треба да...
Единаесет македонски државјани чекаат евакуација со лет од Тел Авив, небото над Израел денес е затворено
По денешното повторно затворање на воздушниот простор на Израел и аеродромот „Бен Гурион“ во Тел Авив, сите летови кон и...
12 отсто од вработените на Клинички ќе паркираат на пет минути пеш за да им се олесни пристапот на пациентите, најави Алиу
Триста вработени од вкупно 2.500 на Клиничкиот центар Мајка Тереза од 1 јули ќе можат да ги паркираат своите возила...
Хаос во хотел во Лазарополе: скопјанец фрлал предмети и нападнал сограѓанин
Дваесет и деветгодишен скопјанец, К.Ж. е приведен по инцидент што се случил синоќа во хотел во Лазарополе. Според информациите од...
Инжинери на Македонија: Глоба до 3.000 евра за ЕВН ако не овозможи визуелен пристап до броилото
Потрошувачите на електрична енергија имаат законско право на визуелен пристап до сопствените броила, а секое спречување на тој пристап од...
(Видео) Трамп: Целосно ги уништивме иранските комплекси, или ќе има мир, или нови напади
Американскиот претседател Доналд Трамп, во директното обраќање до нацијата, потврди дека американските сили извршиле напади врз три ирански нуклеарни постројки....
САД го нападнаа Иран
Американскиот претседател Доналд Трамп објави дека САД ги завршиле нападите врз три нуклеарни постројки во Иран, вклучувајќи ги Фордо, Натанц...
Протестираме за вашите деца оти утре ден не дај боже да се случи истото – татко кој загуби син ги повика кочанчани масовно да им се приклучат
Таткото кој го загуби синот во пожарот во дискотеката „Пулс“ во Кочани, го повика населението во градот масовно да излезе...
Скопјанец пијан ја тепал сопругата со чадор во Бутел, ползејќи и губејќи свест стигнала до дворот да повика помош
Семејно насилство во Бутел ја вознемири јавноста. Обвинителството поведе постапка против 54-годишен скопјанец кој во домот на улицата Бутелска ја...
ЗНАМ очекува до крајот на месецот да ги заврши преговорите со ВМРО-ДПМНЕ за взаемна поддршка на некои кандидати за градоначалници
ЗНАМ на локлните избори ќе настапи самостојно, како на советничките листи, така и за изборот на градоначалници, а со ВМРО-ДПМНЕ...
Вработениот во Народната банка се сомничи дека го зел синиот ранец со пиштолот со кој се убиени Вања и Панче, покрената е истрага
Обвинителството покрена истрага за помагање за З.Д., вработениот во Народната банка, член на партијата на Љупчо Палевски, Десна, кој беше...
Движењето со инвалидски колички во Скопје е можно само ако можат да летаат – активистите со провокативна акција
Група млади активисти и уметници под менторство на програмата за креативен активизам на Центарот за современи уметности реализираа впечатлива и...
Вештачката интелигенција постепено ќе навлезе во училиштата во Македонија, Јаневска подготвува документ со насоки
Во процесот на дигитална трансформација на образовниот систем, интеграцијата на вештачката интелигенција претставува следен, логичен чекор кој значително ќе го...
