Црна хроника
Вработен во скопска фирма украл 5.7 млн денари
Раководител на продавница на Мобил Трејд ДООЕЛ Скопје во Струмица ја оштетил фирмата за 5.7 милиони денари, соопшти Министерството за внатрешни работи.
Вработениот В.Г. (46) во продавница во Струмица на фирмата Мобил Трејд пријавувал помал дневен промет, а за себе задржувал дел од парите. При вонреден попис во продавницата на шести февруари бил констатиран кусок од 5.474.202 денари, како и кусок во магацин од 33.049 денари, при што е констатирано дека В.Г. во текот на работењето прибавил поголема имотна корист.
На 9 март од дневниот финансиски извештај прикажал дневен промет во износ од 299.700 денари, а на 26-ти истиот месец уплатил дневен пазар во износ од 102.800 денари, при што за себе присвоил 196.900 денари.
Тој повеќе пати пријавувал лажен дневен промет со што го оштетил Мобил Трејд во износ од 5.704.157 денари.
Против него е поднесена кривична пријава против за сторени кривични дела „затајување” и „послужување”.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Турчин со „хонда“ удрил во полицаец
Денеска во 02.50 часот, полициски службеници од ОВР Гостивар го лишиле од слобода О.Д.(28) од Република Турција затоа што со патничко возило „хонда” со скопски регистарски ознаки, кое го управувал, удрил во полициски службеник кој извршувал службени дејствија.
Тој е задржан во полициската станица Гостивар и по целосно документирање на случајот против него биде поднесена соодветна пријава.
Црна хроника
Го погодил проектил во нога додека собирал печурки
Маж од Велес собирал печурки и почувствувал убод во левата нога. По лекарски преглед, од коленото му бил изваден проектил од огнено оружје.
„Во СВР Велес вчера во 11 часот, 63-годишниот Д.Ј.од Велес, пријавил дека при собирање печурки во атарот на село Лисиче, Општина Чашка, почувствувал убод на левата нога, по што во Општа болница Велес му бил извршен преглед и од коленото му бил изваден проектил од огнено оружје“, информира денеска Татјана Ѓуровска од СВР Велес.
Таа додаде дека за настанот бил известен јавен обвинител од Основното јавно обвинителство Велес и дека се преземаат мерки за негово расчистување.
Црна хроника
Мигранти од Турција и Ирак најдени на автопат кај Неготино
Полициски службеници од ОВР Неготино пронашле тројца мигранти, двајца од Република Турција и еден од Ирак, соопшти Министерството за внатрешни работи (МВР).
Мигрантите се пронајдени рано утрово, во 02.15 часот, на автопатот А1 кај Неготино по што се предадени на Полициската станица за граничен надзор Михајлово за натамошна постапка.