Европа
Брисел: Ниедна од жртвите сé уште не е официјално идентификувана
Досега се познати имињата на четири жртви од терористичките напади во Брисел, а голем број семејства и блиски преку социјалните мрежи ги бараат лицата со кои не можат да стапат во контакт од вторникот утрото, пренесуваат светските агенции.
Сепак, досега ниедна жртва не е и официјално идентификувана, соопштиле од бриселското обвинителство.
„Ниедна жртва од настраданите во нападите од вторникот во Брисел не е со сигурност идентификувана. Четири жртви се познати, но нивните тела не се службено идентификувани“, изјавила Ина Ван Вимерш, портпарол на обвинителството во Брисел.
„Во моментов приоритет ни се преживеаните и згрижувањето на ранетите. Се спроведуваат истраги на местата на експлозиите. Екипите задолжени за идентификација прават сé што можат. Но кога на некому треба да соопштите дека му починал некој мил, тогаш мора да бидете апсолутни сигурни во тоа“, додала таа.
Белгиските власти ги упатуваат сите оние кои трагаат по некого во воената болница Недер-Овер-Хембек, каде се наоѓа и екипа на специјалната служба за идентификација на жртвите во катастрофите.
„Нормално и хумано е семејствата да водат и сопствена потрага за да дознаат каде се наоѓаат нивните блиски, доколку нивните имиња можеби не се наоѓаат на листата на хоспитализираните по нападите“, изјавил за белгиските медиуми директорот на оваа болница.
„Во договор со здравствените служби побаравме сите тие луѓе да се уптат на едно место, каде можеме најдобро да ги примиме, бидејќи таму имаме и екипа од психолози“, додал тој.
Според последните информации, во двата терористички напади во Брисел, на аеродромот Завентем и на метро станицата Малбек, загинале 31 лице, а околу 300 се ранети. Меѓу ранетите се и четири лица во кома, кои сé уште не се идентификувани. Во болниците во моментот има 150 лица, од кои 61 се на интензивна нега.
Во досегашната истрага е потврдено дека идентификувани се двајцата бомбаши самоубијци – браќата Ибрахим и Калид Ел Бакрави. Ибрахим го активирал експлозивот на аеродромот и тоа е лицето од снимките на безбедносните камери на кои се гледаат тројца мажи, а тој на фотографијата се наоѓа во средина.
Лево од него на фотографијата наводно е Наџим Лахрави, чија ДНК беше пронајдена на експлозивот користен во нападите во Париз на 13-ти ноември минатата година, но ова сé уште не е официјално потврдено од страна на обвнителството.
Третото лице во белата јакна и црната шапка сé уште не е идентификувано и се наоѓа во бегство. Како бомбаш самоубиец во метрото е идентификуван Калид Ел Бакрави, а во четвртокот утрото се појавија информации дека безбедносните камери снимиле уште едно лице по кое полицијата активно трага. Ова лице, засега неидентификувано, носело голема торба и било во друштво на Калид Ел Бакрави, непосредно пред експлозијата на метро станицата./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
По протестот за железничката несреќа во Атина се фрлаа молотови коктели
Непознати лица фрлале молотови коктели кон полицијата пред грчкиот Парламент во центарот на Атина по завршувањето на официјалниот дел од протестот за железничката несреќа кај Темпи, на кој граѓаните уште еднаш побараа правда за жртвите.
Инцидентите се случиле на само неколку минути по завршувањето на протестот и додека сѐ уште имаше граѓани во делот пред Парламентот, па така полицијата не употребила солзавец.
Тензиите се пренесоа во долниот дел на плоштадот Синтагма, каде што побегнаа маскираните лица, а специјалните полициски сили употребија солзавец.
Европа
(Видео) Украинците ја нападнаа најголемата рафинерија на рускиот нафтен гигант
Украинските беспилотни летала нападнаа неколку руски нафтени објекти синоќа вклучувајќи ја најголемата рафинерија на „Роснефт“ во Рјазан и складиште за нафта во окупираниот регион Луганск. Веста ја потврди Роберт (Мадијар) Бровди, командант на украинските беспилотни сили, објави „Киев индепендент“.
„Бензинот (во Русија) е при крај, а гасот и нафтата бргу исчезнуваат“, напиша Бровди на социјалните медиуми.
💥 Drones hit a refinery in Russia’s Ryazan, setting it ablaze. Ukraine confirms strikes on both the Ryazan refinery & an oil depot in occupied Luhansk. #MakeRussiaPay pic.twitter.com/PaSlQskXGq
— Iuliia Mendel (@IuliiaMendel) September 5, 2025
Жителите на Рјазан, град на 180 километри југоисточно од Москва, им ги пријавија на руските медиуми експлозиите околу 2 часот наутро, проследени со голем пожар што го осветли ноќното небо. Фотографиите и видеата што бргу се проширија на интернет покажаа густ црн чад што се издига од рафинеријата на јужните периферии на градот.
Објектот, со капацитет од 13,8 милиони тони годишно, веќе беше цел на украински беспилотни летала на 2 август кога две од неговите три главни единици беа принудени да се затворат.
— 🪖MilitaryNewsUA🇺🇦 (@front_ukrainian) September 5, 2025
Регионалниот гувернер Павел Малков изјави дека осум дрона биле соборени, а остатоците паднале врз индустриската зона тврдејќи дека немало жртви или штети на станбени згради. Тој не коментира директно за извештаите за пожарот во рафинеријата.
Во меѓувреме, во окупираниот регион Луганск локалните жители пријавија дека виделе црн чад доцна во четвртокот вечерта. Мадјар потврди дека украинските беспилотни летала погодиле складиште за нафта во регионот, иако обемот на штетата сè уште не е познат.
Руското Министерство за одбрана соопшти дека во текот на ноќта соборило вкупно 92 украински беспилотни летала.
фото: принтскрин
Европа
Руски дрон уби двајца мажи и една млада жена во Украина
Во напад со руски беспилотни летала загинаа три лица во регионот Харков во источна Украина, изјави синоќа гувернерот Олег Синегубов.
„Околу 21:30 часот по локално време, Русите го нападнаа селото Хотимља со беспилотни летала“, напиша тој на Телеграм. Во нападот загинаа двајца 40-годишни мажи и една 25-годишна жена, рече тој. Двајца други мажи се исто така повредени и хоспитализирани.
Украина: Жртвите работеле на поправки на патишта
Синегубов, исто така, рече дека некои од жртвите работеле на поправки на патишта.
Претходно во четврток, двајца украински деминери беа убиени за време на руски напад во северна Украина, во област што руските сили ја окупираа на почетокот на инвазијата, објавија украинските власти и една невладина организација.
Руското Министерство за одбрана, од своја страна, извести за „уништување на точка за подготовка и лансирање на беспилотни летала со долг дострел што им припаѓаат на украинските вооружени сили во регионот Чернигов“, негирајќи дека жртвите биле хуманитарни работници.
Неколку предупредувања за воздушни напади беа издадени во Украина синоќа по самитот на Коалицијата на волните во Париз.
фото: принтскрин
(Фото) Вечерашниот небесен спектакл нема да се повтори сè до 2029 година
Љубителите на астрономијата и набљудувачите на ноќното небо вечерва имаа можност да уживаат во небесен феномен. Во ноќта помеѓу 7...
Полициски хеликоптер и два ер трактори се борат со пожарот кај Раштак
Пожар попладнево изби над скопското село Раштак на Скопска Црна Гора. Чадот од пожарот се гледа од поголем дел од...
28-годишен струмичанец сексуално злоставувал малолетна роднина
Дваесет и осумгодишен струмичанец е приведен под сомнение дека се обидел да изврши обљуба врз малолетничка со која бил во...
Сите хоспитализирани од пожарот во Виница се во стабилна здравствена состојба, соопшти МЗ
Тринаесет лица се хоспитализирани по пожарот што вчера доцна попладне избувна во фабриката за кандирани производи и вафли „Макпрогрес“ во...
Се урна покрив на супермаркет во Германија, двајца се тешко повредени
Две лица се тешко повредени, а уште двајца се со полесни повреди при делумно уривање на покрив на супермаркет во...
Руските сили извршија нов масовен напад врз повеќе региони во Украина, меѓу загинатите е и бебе
Руските сили ноќеска извршија нов масовен напад врз повеќе региони во Украина, меѓу кои и главниот град Киев, каде е...
Во пожарот во „Винчини“ повредени се пожарникари, доброволци и вработени во фабриката
Медицинска помош во текот на синоќешниот пожар во фабриката Макпрогрес-Винчини побарале 16 лица, изјави градоначалникот на Општина Виница, Миле Петков....
Зеленски тврди дека речиси 60 проценти од оружјето што го користи украинската армија се произведува во Украина
Украинскиот претседател Володимир Зеленски изјави синоќа дека речиси 60 проценти од оружјето што го користи украинската армија се произведува во...
Подметнат е големиот пожар кој избувна кај селото Косово Дабје близу планината Голак
Пожарот кој синоќа околу 23 часот избувна кај селото Косово Дабје во Општина Делчево, е целосно изгаснат и ставен под...
Пожарот во фабриката „Винчини“ е под контрола, пожарникарите со часови се бореле со огнот
Ставен е под целосна пожарот што изби вчера во фабриката за кандирани производи и вафли „Макпрогрес“ во Виница позната по...
Руската вакцина против рак успешно ги помина претклиничките испитувања и е подготвена за употреба
Руската вакцина против рак успешно ги помина претклиничките испитувања и е подготвена за употреба по добивањето лиценца, објави Вероника Скворцова,...
Чизмите им останале заглавени во стопен шеќер, повредени неколку пожарникари, пожарот во „Винчини“ под контрола
Неколку пожарникари се здобиле со изгореници на стапалата додека го гаснеле големиот пожар во фабриката „Винчини“. Тие се заглавиле во...
(Видео) Фабриката „Винчини“ во пламен, ангажирани пожарникари од повеќе градови
Голем пожар ја зафати фабриката за слатки „Винчини“ во Виница, каде што огнените јазици уништија магацини и неколку производствени погони....
Пет лица повредени, една жена во критична состојба во сообраќајка во Скопје
Пет лица се повредени во сериозна сообраќајна несреќа што се случи вчера околу 19:30 часот на улицата Христијан Тодоровски Карпош...
На Табановце чекање и до 40 минути, АМСМ апелира за трпение
Долги колони возила се создаваат на граничниот премин Табановце, каде што за излез и влез во државата се чека и...
Во Украина има 700.000 руски војници, еве каде е најголемата концентрација
Главната дирекција за разузнавање на Министерството за одбрана на Украина (ГУР) информираше дека на територијата на Украина моментално има околу...
Таксистите добиваат 200 електрични возила, Меџити го претстави проектот кој ќе го чисти воздухот
Првиот заменик на претседателот на Владата и министер за животна средина и просторно планирање, Изет Меџити, денес на работен состанок...
Мицкоски порача дека невработеноста паѓа, а економијата оди напред
Премиерот Христијан Мицкоски денеска преку објава на „Фејсбук“ порача дека најновите податоци ја потврдуваат економската стабилизација и растот кој, според...
Илиевски: Дали за торба пари Мицкоски продаде државни тајни?
Потпретседателот на СДСМ, Методија Илиевски, денес одржа прес-конференција на која ја истакна загриженоста на партијата за одбивањето на Христијан Мицкоски...
СДСМ призна дека ги прислушкувал Мицкоски, новинари и бизнисмени, вели Петрушевски
СДСМ призна дека го прислушкувал и го следел претседателот на ВМРО-ДПМНЕ, Христијан Мицкоски, како и новинари и бизнисмени, обвинуваат од...
