Без знаци на живот, вчера било пронајдено телото на шеесет и четиригодишната Станика Китановска од селото Цветишница која беше пријавена за исчезната.

-На 02.02.2025 околу 10:30 часот во село Цветишница, општина Старо Нагоричане, полициски службеници од СВР Куманово ја пронашле почината С.К.(64) за која на 27.12.2024 година беше пријавено дека се оддалечила од нејзиниот дом, информираат од Секторот за внатрешни работи Куманово.

Специјален тим полициски службеници, според информации од семејството, го пронашло вчера нејзиното тело во долот во селото, без траги на живот. Телото не било во фаза на распаѓање, но имало траги од напади на животни.

Како што додаваат од полицијата, по насока на јавен обвинител сепак телото е предадено на семејството.

Во текот на ноќта засега непознати сторители опожарија автомобил на јавен обвинител од Основното јавно обвинителство Скопје.

„Интензивно се преземаат дејства за откривање на сторителите и се обезбедуваат сите докази на терен“, велат од Јавното обвинителство Скопје и додаваат:

„Првичните индиции упатуваат на можна поврзаност со фактот што јавниот обвинител постапува во два сензитивни предмета, во кои во моментот интензивно презема истражни дејства. Истражните органи работат на расчистување на настанот и на целосно утврдување на причините“.

Вчера во ОВР Кичево е пријавено дека В.М.(41) од Кичево при планинарење на планината Бистра, паднал во тешко пристапен терен над селото Лавчани.

На повредениот, прва помош му пружиле жители на истото село кои со коњ го пренеле до селото Лавчани, од каде бил пренесен во болницата „Св.Еразмо“ во Охрид.