Регион
Ципрас ветува дека ќе ја извлече Грција од кризата
Коалицијата на грчката радикална левица Сириза, најголемата опозициска партија и во моментов водечка во анкетите, ќе го прекине строгото штедење и ќе побара од Европската унија да отпише голем дел од грчкиот јавен долг за да ја извлече земјата од кризата, порача нејзиниот челник Алескис Цирпас во интервјуто за агенцијата Reuters.
Коалицијата на грчката радикална левица Сириза, најголемата опозициска партија и во моментов водечка во анкетите, ќе го прекине строгото штедење и ќе побара од Европската унија да отпише голем дел од грчкиот јавен долг за да ја извлече земјата од кризата, порача нејзиниот челник Алескис Цирпас во интервјуто за агенцијата Reuters.
Во разговорот Алексис Ципрас се обидува да ги смири пазарите кои стравуваат од доаѓањето на Сириза на власт, истакнувајќи дека Грција сака да остане во еврозоната и да има урамнотежен национален буџет пред сервисирањето на своите долгови.
„Разгорувањето на стравовите во 2012 година и стравувањата денес дека Европа ќе биде уништена доколку Сириза дојде на власт во Грција, всушност делуваат како самоисполнувачко пророштво. Победата на Сириза ќе ги прекине сите неволји и ќе ги смири пазарите. Ќе го донесе чувството на сигурност“, вели Ципрас.
Загриженоста на инвеститорите и меѓународните доверители дека на Грција и’ претстојат предвремени парламентарни избори коишто ќе ја доведат на власт Сириза последните денови ја урнаа вредноста на грчките акции и државни обврзници. Пазарите се преплашени од решителните барања на Сириза на Грција да и’ се отпишат дел од долговите и плановите да ги раскине и да ја раскине програмата за помош којашто досега изнесуваше вкупно 240 милијарди евра од Европската унија и Меѓународниот монетарен фонд условена со жестоките мерки за штедење, но со чија помош земјата успеа да го избегне банкротот и да биде исклучена од еврозоната.
Меѓутоа, според интервјуто, Ципрас не звучи во овој момент толку решителен. „Преговорите значат дека сакаме договорно решени. Подготвени сме за суштински и тешки преговори. И свесни сме дека европските партнери во почетокот најверојатно ќе заземат строг став, иако нема да бараме нешто нереално“, вели опозицискиот челник истакнувајќи дека нема ништо да биде направено „еднострани“, освен доколку „не биде присилен на тоа, што не е веројатно“.
Цирпас во интервјуто од четвртокот вели дека Европа би требало „да отпише или да избрише“ голем дел од грчкиот долг како знак на солидарност со Грција, како што се меѓународните доверители сториле со германскиот воен долг во 1953 година. Додава, сепак, дека кредитите од ММФ мора да бидат вратени, како и дека ќе побара продолжување на рокот за доспевање на грчките државни обврзници коишто ги држи Европската централна банка (ЕСВ). Го исклучува, исто така, отписот на вредноста на обврзниците во сопственост на приватниот сектор.
Ова е првпат Ципрас многу јасно да ги изнесе своите планови за преговори за враќањето на грчките долгови, на што веднаш реагираше берзата во Атина со раст од 1,5 отсто.
Предењето ќе биде прекинато независно од тоа како ќе се одвиваат преговорите за долгот со доверителите, вели челникот на грчката радикална левица во продолжение на интервјуто. „Ќе го укинеме штедењето преку грчкиот парламент, ќе го раскинеме договорот за програмата за помош. Грција со владата со Сириза ќе излезе од програмата за помош, без нови мерки за штедење. Тоа за нас претставува нешто за што не може да се преговара“, порачува Ципрас.
Откако во германските медиуми пред две години, по тогашните вонредни парламентарни избори во Грција, беше прогласен за една од најопасните личности во Европа, во моментов Алексис Ципрас е поблиску од кога и да е до денес до преземањето на власа. Имено, Грците можеби ќе мора многу наскоро да излезат на предвремени парламентарни избори, доколку во парламентот владата на премиерот Антонис Самарс до крајот на декември не успее да издејствува поддршка за својот претседателски кандидат, поранешниот грчки министер во повеќе ресори и еврокомесар Ставрос Димас.
Ципрас во интервјуто ја исклучува можноста за евентуална соработка со конзервативците од Неа демократија и со социјалистите од Пасок, кои ја сочинуваат владата на Самарас, за да бидат избегнати предвремени избори, велејќи дека широк политички консензус ќе биде постигнат по националните избори.
Шпекулациите дека грчката влада би можела да се обиде да направи широка национална коалиција за да се избегнат предвремените парламентарни избор, се појавија откако владејачките партии во средата го загубија првиот круг од гласањето за претседателот во парламентот.
Парламентот на Грција не успеа во првиот од трите предвидени кругови да го избере претседателот на државата, откако кандидатурата на Ставрос Димас ја поддржаа 160 пратеници, од неопходните 200 гласа од 300-те мандати. Воздржани беа 135 пратеници, а владејачката коалиција се надева дека за кандидатот Ставрос Димас ќе добие поддршка од најмалку 161 пратеник.
Вториот круг од гласањето ќе се одржи на 23-ти декември и доколку и тогаш кандидатот на владејачката коалиција на конзервативците од Нова демократија и социјалистите од Пасок не успеат да обезбедат ќе се оди на трето гласање во парламентот. Тоа евентуално би се одржало на 29-ти декември, и доколку Димас тогаш не ја добие поддршката од 180 пратеници, според законот парламентот мора да се распушти и да се распишат предвремени парламентарни избори.
Владата во моментов ја има поддршката од 155 пратеници, а шест независни парламентарци пред гласањето во средата навечер се изјаснија дека ќе гласаат за Димас. Коалицијата се надеваше дека ќе привлече уште неколку од 24-цата независни пратеници, а сметаше и на поддршката од пратеници на Демократската левица и Независни Грци, кои веќе на разни начини наводно сигнализирале дека се подготвени да ги пробијат партиските редови и да гласаат за претседател.
Најголемата опозициска партија во земјата, Сириза е убедена дека владата нема да добие 180 гласови од 350-те мандати кои се неопходни во третиот и последен круг од гласањето, тврдејќи дека има околу 126 или 127 пратеници кои ќе гласаат против претседателскиот кандидат Ставрос Димас.
Инаку, претседателските избори требаше да се одржат во февруари, бидејќи на актуелниот шеф на државата Каролос Папуљас мандатот му завршува во март, но Самарс се реши да ги одржи порано за да ја отстрани политичката неизвесност, што веднаш предизвика уривање на Атинската берза.
„Нашиот став е дека нема простор, дека не можеме да чекаме, не затоа што ни’ се брза, туку затоа што со секој ден раните предизвикани од програмата за помош стануваат сé подлабоки.“, вели Цирпас.
Почитувач на левичарскиот револуционер Ернесто Че Гевара, чиј портрет зазема челно место во седиштето на неговата партија, Ципрас изразува увереност дека Грција ќе ја има клучната улога во пружањето на отпорот при обидот, како што вели, за одземањето на демократските права во Европа. „Верувам во силата и моќта на народот., Асето она што се случи во Грција минатата година имаше цел на народот да му се одземе моќта“, заклучува Алексис Цирпас./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.