Европа
(Видео) Над 700 уапсени во насилните протести во Франција
На протестите на „жолтите елеци“ во Франција уапсени се 700 луѓе, од кои 575 во Париз. Силни полициски сили се обидоа да ги запрат демонстрантите кои се движат низ центарот на Париз. На улиците на француската престолнина има 8.000 полицајци, дури и оклопни возила за прв пат по повеќе децении, за да се спречи насилството кое ги одбележа протестите минатата сабота.
Може да се забележи чад, оган и барикади по улиците на Париз, како и оклопни возила.
Armored vehicles being used in #Paris now: pic.twitter.com/evql4ZuCny
— marqs (@MarQs__) 8 December 2018
Како што пренесуваат француските медиуми, околу 20.000 граѓани протестираат и во Нант, каде дошло до судири меѓу демонстрантите и полицијата, а уапсени се десетина лица. Протести има и во други градови.
VIDEO: #GilletsJaunes protesters in Toulouse erect flaming barricade during clashes with police. – @dstserninpic.twitter.com/tZ8JzYdN3h
— Conflict News (@Conflicts) 8 December 2018
Полицијата испали солзавец кон демонстрантите на плоштадот во Париз, а протестите се одвиваат на неколку стотина метри од Елисејската палата, резиденцијата на претседателот Емануел Макрон. Демонстрантите возвратија со боци и метални шипки, петарди, се слушаат експлозии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.