Европа
Донецк не гледа смисла за преговори со Киев, го обвинува Порошенко за цивилните жртви
Во моментов не гледам никаква смисла да се водат преговори со Киев, откако ние започнавме да напредуваме, изјави во петокот челникот на рускојазичните бунтовници на самопрогласената ткн Народна република Донецк, Александр Захарченко, и го обвини украинскиот претседател Петро Порошенко дека е виновен за смртта на цивилите во бомбардирањето на јавниот транспорт во одметнатиот град со милион жители во источна Украина.
„Смртта на тие луѓе лежи само на вашата совест, затоа што вие им дадовте наредба на своите војници да стрелаат врз вашиот град и сега да ги убиваат нашите деца и стари лица“, му се обрати челникот на донецките бунтовници, инаку етнички Украинец, Александр Захарченко, на украинскиот претседател Петро Порошенко.
„Ние можеме да ги отфрлиме вашите единици од нашите градови, за да ги сопреме нападите на вооружените сили на Украина врз населените места во Народната република Донецк“, порача Захарченко.
„По оваа трагедија, јас ќе дадам наредба повеќе да не се земаат заробеници. Нам не ние потребна размена“, на плениците што е една од точките на мировните преговори од почетокот на септември во Минск, истакна лидерот на проруските бунтовници, пренесе РИА Новости.
Захарченко потврди дека освен што го контролираат градот Донецк со приградските населби, цел на офанзивата што ја преземаат во моментов е да се отфрли линијата на фронтот зад границите на истоимениот регион кој го сочинуваат девет области, и повтори дека целта е да се спречи гранатирањето на цивилното население.
„Ќе напаѓаме сé до границите на регионот Донецк, но ако видиме закана од друга насока – ќе ја неутрализираме. Киев не разбира дека сега можеме да напаѓаме истовремено од три насоки. Од наша страна повеќе нема да има обиди во врска со преговорите за примирје“, рече Захарченко, пренесува BBC.
Заострувањето на реториката на водачот на рускојазичните бунтовници следеше ден по крвавите судири во областа на аеродромот крај Донецк со повеќе од 40 загинати во последните 24 часа. Битката за урнатините на поранешниот голем меѓународен аеродром обновен за Европското фудбалско првенство во 2012-та сега репортерите на светските агенции го споредуваат со приказите на Сталинград во текот на Втората светска војна.
Во четвртокот во Ленинската област на Донецк тролејбус на градскиот транспорт беше погоден од граната при што според последните прецизирани податоци на локалните власти загинале осум цивили а 17 се тешко ранети.
Бунтовниците тврдат дека украинските безбедносни сили отвориле оган врз цивилите, веројатно минофрлачки. Министерството за одбран на Украина, пак, негираше каква и да е инволвираност на своите единици и за трагедијата ги обвини бунтовничките сили. Набљудувачката мисија на Организацијата за безбедност и соработка во Европа (ОБСЕ) повика на итен прекин на огнот во побунетите региони во источна Украина познати под заедничкото име Добнас.
Шефот на руската дипломатија Сергеј Лавров во четвртокот овој инцидент нарекувајќи го „група провокација“ од страна на Киев и „гнасно злосторство против човечноста“ побара итна истрага на ОБСЕ „за да се спречи бесмисленото убивање цивили“.
Прозападната влада во Киев и Западот тврдат дека регуларни руски единици се борат на страната на рускојзаичните бунтовници на територијата на Украина, со поддршка на руски тенкови и тешка артилерија, а Порошенко во средата тврдеше дека на уркаинска територија се наоѓаат 9.000 руски војници, што НАТО не го потврди но ја обвини руската страна за воено помагање на бунтовниците. Москва решително го отфрла тоа тврдење и бара докази за него, но не негира дека може да има руски доброволци кои им се приклучиле на сонародниците во доминантно рускојазичните региони во југоисточна Украина.
Рускиот претседател Владимир Путин, чие писмо од мината седмица со предлогот тешкото вооружување на двете страни да биде повлечено на 30 километри од линијата на разграничувањето остана без одговор од неговиот украински колега Петро Порошенко, во петокот за ескалацијата на судирите ги обвини „злосторничките наредби“ од Киев.
„Властите во Киев издадоа официјална наредба да се покрене сеопфатна воена операција по должината на речиси целата линија на контакт меѓу двете страни. Резултат на тоа се десетици убиени и ранети,. Но не само во редовите на војниците на двете страни, туку и меѓу цивилите“, рече Путин.
„Одговорноста паѓа на оние коишто ги издадоа злосторничките наредби. Луѓето коишто тоа го прават би требало да знаат дека нема поинаков начин за решавање на таквите судири освен мировните преговори и политичките мерки“, додаде шефот на руската држава, пренесе Reuters.
Путин, исто така, уште еднаш во петокот потсети и истакна дека Украина не одговорила на неговото писмо до Порошенко да се повлече тешкото вооружување, како еден од чекорите за спроведување на прекинот на огнот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украина почнува да го користи американскиот систем „Темпест“
Украина очигледно го распоредила најновиот американски противвоздушен ракетен систем „Темпест“ со краток дострел. Откритието доаѓа од видео објавено од Командата на воздухопловните сили на Украина на почетокот на оваа година, за кое аналитичарите велат дека го прикажува системот во акција.
Командата на воздухопловните сили на Украина го објави видеото како дел од својата новогодишна порака, на кое се гледа одбивањето на воздушен напад без никаква официјална најава или идентификација на новото оружје. Сепак, украинската аналитичка група „Водохраи“ подоцна објави дека видеото всушност го прикажува системот „Темпест“ како пресретнува руски дрон за време на ноќен напад.
Американската одбранбена компанија V2X ја претстави платформата „Темпест“ на изложбата на Здружението на армијата на Соединетите Американски Држави (AUSA) во октомври 2025 година, но трансферот на системот во Украина не е јавно објавен. Противвоздушниот ракетен систем „Темпест“ е дизајниран да се справи со беспилотни летала, хеликоптери и авиони што летаат ниско во сите временски услови.
Европа
Русија изврши уште еден голем напад со дронови во текот на ноќта
Русија изврши голем напад врз Украина преку ноќ со 156 ударни дронови од типот „Шахед“, „Гербера“ и други. Од вкупниот број, околу 110 летала беа дронови камикази од типот „Шахед“, информираше Командата на украинските воздухопловни сили, како што објави „Украинска правда“.
Според прелиминарните податоци објавени до 8 часот наутро, украинските сили за воздушна одбрана успеале да соборат или електронски да блокираат 135 руски ударни дронови. Одбраната дејствувала на широка област, опфаќајќи ги северните, јужните, источните и централните делови на земјата.
И покрај високата стапка на пресретнување, регистрирани се 16 погодоци на ударните дронови на вкупно 11 локации. Покрај тоа, остатоците од соборените дронови паднале на две места.
Воздухопловните сили, противвоздушните ракетни единици, средствата за електронско војување, единиците за беспилотни системи и мобилните противпожарни групи на украинските одбранбени сили учествувале во одбивањето на воздушниот напад. Властите предупредуваат дека нападот сè уште е во тек и дека неколку руски дронови сè уште се во украинскиот воздушен простор.
Европа
Туристи заглавија во Финска поради екстремно ниските температури
Илјадници туристи останаа заробени во северна Финска откако екстремно ниските температури ги приземјија авионите и принудно откажаа летови.
Температурите на аеродромот Китила во Лапонија паднаа на рекордно ниско ниво од -37°C во недела наутро, предизвикувајќи прекини во воздушниот сообраќај, објави Скај њуз.
Арктичкиот студ го погодува аеродромот со денови, што ги прави операциите на аеродромот, вклучително и клучното одмрзнување на авионите, речиси невозможни. Сепак, постои надеж за блокираните британски туристи, со летови до Манчестер и Лондон закажани за понеделник попладне. Успехот на тие летови останува неизвесен бидејќи метеоролозите предвидуваат дека температурите сепак ќе бидат околу -28°C.
Иако жителите на финска Лапонија се навикнати на сурови зими, овогодинешниот студен бран, кој погоди големи области на северна, централна и источна Европа, беше поинтензивен отколку во претходните години. Обилните снежни врнежи, силните ветрови и заледените патишта го направија патувањето опасно низ овој дел од континентот.
Во Германија, патниците со железнички превоз доживеаја големи доцнења и откажувања во неделата откако националниот оператор „Дојче Бан“ ги запре сите услуги на северот од земјата. Властите во Северна Рајна-Вестфалија, најнаселената покраина во Германија, објавија дека сите училишта ќе бидат затворени во понеделник поради ниските температури, а наставата ќе се одржува преку интернет.
Во балтичките земји Естонија и Литванија, возачите беа повикани да ги одложат сите непотребни патувања поради прогнозираните снежни бури. Соседна Латвија, исто така, издаде предупредување за снег за западниот дел од земјата.

