Спорт
Лопетеги би можел да го наследи Ди Франческо во Рома
Хулен Лопетеги би можел да го наследи Еузебио Ди Франческо на клупата на Рома, пишува италијанскиот весник „Темпо“. Позициите на Ди Франческо во Рома се разнишани поради лошите резултати од почетокот на сезоната.
Лопетеги е човекот што во интервал од ч…
Хулен Лопетеги би можел да го наследи Еузебио Ди Франческо на клупата на Рома, пишува италијанскиот весник „Темпо“. Позициите на Ди Франческо во Рома се разнишани поради лошите резултати од почетокот на сезоната.
Лопетеги е човекот што во интервал од четири месеци доби откази, најпрвин во фудбалската репрезентација на Шпанија, а потоа и во Реал Мадрид. Непосредно пред почетокот на Светското првенство во Русија, шпанскиот Сојуз го отпушти бидејќи без нивно знаење се договорил со Реал, а во октомври поради лошите резултати доби отказ и на „Сантијаго Бернабеу“.
Рома, минатата сезона играше полу-финале во Лигата на шампионите, но работите од почетокот на новата сезона се далеку од идеални. Во првенството екипата на Ди Франческо по 15 кола има само 21 бод и се наоѓа на осмото место, а и во Лигата на шампионите резултатите не импресионираа никого, иако тимот се пласираше во нокаут фазата.
Групата во која беа Реал, Викторија Плзен и ЦСКА Москва, Рома ја заврши со три победи и исто толку порази.
Според „Темпо“, навивачите на Рома повеќе би сакале да го видат на клупата Лопетеги отколку Паоло Соуса или Винченцо Монтела, додека Антонио Конте не е реална опција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитирјевиќ замина од УНИКС, следна станица Милано
Македонскиот кошаркар Ненад Димитријевиќ по две години го напушти УНИКС, соопшти рускиот клуб.
Како што соопшти клубот од Казан, 26-годишниот репрезентативец на Македонија е слободен да избере каде ќе ја продолжи кариерата.
Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.
Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано.
Спорт
(Видео) Австрија пресилна за Полска – Прв триумф за Австрија, втор пораз за Полска на ЕП
Австрија ја победи Полска со 3:1, во Д групата на Европското првенство во Германија. Австријците со оваа победа се доближија до осминафиналето, додека на Полска ќе и треба чудо во последното коло за да избори место во нокаут фазата.
Австрија во овој момент е посилна селекција од Полска и тоа го покажа на терент на Олимпискиот стадион во Берлин.
Траунер го постигна првиот гол во деветтата минута, но Полјаците успеаја да изедначат преку Пјонтек по половина час игра.
Конечниот удар Австријците го зададоа во втората половина од второто полувреме. Баумгартнер во 66.минута со гол ја заврши одличната тимска акција,а 12 минути подоцна Сабицер избори пенал. Сигурен реализитор беше Арнаутовиќ.
Во последното коло Австрија ќе игра против Холандија, а Полска против Франција.
Спорт
Легендарниот фудбалер Фалкао има нов клуб
Иако е во доцните играчки години, Радамел Фалкао не планира да застане.
Откако му истече договорот со Рајо Валјекано, се огласи и неговиот нов клуб.
Тоа е – Милионариос.
И сето тоа 23 години откако го напушти овој клуб како 15-годишник.
Фалкао зад себе има импресивна кариера, играше за Ривер, Порто, Атлетико Мадрид, Монако, Манчестер Јунајтед, Челзи, Галатасарај и Рајо.
За Колумбија, за која уште настапува, одигра 104 натпревари и постигна 36 голови.