Откриени се вкупно 30 илегални миграни во четири одвоени случаи и поднесени се кривични пријави против седум лица за кривичното дело криумчарење на мигранти, соопшти полицијата.

Во првиот случај мигрантите се откриени пред три дена при вршење на редовна патролна служба на локалниот пат Куманово – Лојане, поточно пред село Ваксинце. Полицајците при преглед на автомобил марка „Фиат Мареа“ со кумановски регистарски ознаки, биле открини тројца илегални мигранти од Сирија без документи и идентификација. Поднесена е кривична пријава против возачот на автомобилот од Ваксинце.

Во вториот случај германски државјани се обиделе да прошверцуваат двајца мигранти од Ирак. На 21 декемри на граничниот премин Богородица при влез во Македонија во автомобил „пежо“ при извршена контрола во специјално направен простор (бункер) во просторот помеѓу задната клупа и багажникот на возилото откриени се двајца државјани на Ирак.

Во третиот случај двајца македонски државјани на 21 декември на локалниот пат село Марвинци–село Грчиште прифатиле и превезувале вкупно 18 нелегални мигранти од Авганистан од кои осум малолетници со намера да ги превезат до Куманово.

Во четвртиот случај поднесена е кривина пријава против албански државјани. На 22 декември полицајци при вршење на служба кај наплатна рампа Градско Биле забележале две возила, автомобил марка “Голф“ со  албански регистарски ознаки и автомобил марка “Ауди“ со грчки регистарски ознаки во кои се превезувале повеќе луѓе.

При контрола на “Ауди“ откриени се две лица од Сирија и едно лице од Ирак, додека пак при контрола на “Голф“  биле пронајдени уште четири илегални мигранти сите од Сирија./крај/мвр