Спорт
Нејмар се потсети на детството: Немавме пари, ја молев мајка ми за колачиња!
Еден од најдобрите фудбалери на денешницата, Бразилецот Нејмар го раскажа својот тежок детски живот кога во семејството немале доволно пари за основните потреби. Тој рече дека барал мајка му да му даде колачиња, но добивал одговор: „Немаме пари“.
„Кога…
Еден од најдобрите фудбалери на денешницата, Бразилецот Нејмар го раскажа својот тежок детски живот кога во семејството немале доволно пари за основните потреби. Тој рече дека барал мајка му да му даде колачиња, но добивал одговор: „Немаме пари“.
„Кога бев мал, многу сакав да јадам колачиња, но често не можевме да си ги дозволиме. Ја молев мајка ми да купиме, а таа ми велеше „сине, немаме пари, а немам ни со што да ти направам колачиња“. Ми велеше дека ми должи и дека кога татко ми ќе земе плата наредната недела, ќе си купиме. Јас и кажав „Мамо, еден ден ќе бидам богат, ќе си купиме фабрика за колачиња и ќе може да јадам кога ќе посакам“. Секогаш кога ќе се потсетиме на оваа приказна, мојата мајка плаче. Кога наполнив 15 години, сфатив дека ако ги слушам родителите, нема да ми недостасува ништо во животот“ – раскажа Нејмар.
Бразилскиот фудбалер сега е еден од најбогатите фудбалери во светот. Според податоци, тој заработува околу 36 милиони евра по сезона. За него француски на Барселона и плати рекордни 222 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Билд: Рангник има договор со Баерн
Почесниот претседател на Баерн Минхен, Ули Хенес, откри дека клубот наредната недела ќе го соопшти името на новиот тренер, но највлијателниот германски медиуми „Билд“, тврди дека веќе е познато кој ќе го замени Томас Тухел.
Најторфејниот германски клуб од наредната сезона ќе го предводи Ралф Рагник. Како што пренесува „Билд“, во саботата е одржан уште еден состанок по кој двете страни си заминале насмеани, а извор близок до клубот од Минхен тврди дека Ралф Рангник веднаш по завршувањето на Европското првенство, каде ќе ја води Австрија, ќе го преземе Баерн.
Баерн ќе мора да плати отштета, бидејќи тренерот има уште две години договор со ФС Австрија. Според „Билд“, челниците на Баерн ќе треба да одвојат три милиони, додека платата на австрискиот стручњак во Баерн ќе биде околу седум милиони евра годишно.
Рагник с Баерн ќе потпише двегодишен договор.
Спорт
Гринвуд ја испрати Алмерија во Сегунда
Хетафе, во 33.коло забележа победа во Алмерија 3.1 Со овој пораз фудбалерите на Алмерија и официјално испаднаа од шпанската Примера.
Гостите поведоа во 27. минута со голот на Мејсон Гринвуд, а израмни Чоко Лозано на четири минути пред крајот на првото полувреме.
Најдобриот играч на натпреварот, Гринвуд му ја врати предноста на Хетафе со гол по само три минути игра во вториот дел.
Откако постигна два гола, Англичанецот во 61. минута му асистираше на Хаиме Мата за третиот гол на Хетафе.
Во последните моменти од играта нервозниот Виеира доби црвен картон и во самиот финиш ја остави Алмерија со играч помалку.
За Хетафе ова беше втората победа сезонава на гостински терен. Тимот на Хосе Бордалас се наоѓа на деветтата позиција со 43 бода.
Спорт
(Видео) Барнли однесе бод од „Олд Трафорд“
Фудбалерите на Манчестер јунајтед уште еднаш ги разочараа своите навивачи. Во рамките на 35.коло одиграа 1.1 со Барнли, кој во финишот освои значаен бод в борбата за опстанок.
Антони во 80.минта погоди за предност на Јунајтед, а потоа Амдуни во 87. минута од пенал го замолкна „Олд Трафорд“ и му донесе бод на Барнли.
Манчестер јунајтед сега е шести со 54 бодови, додека Барнли се уште е 19-ти, сега има 24 бода.
Јуанајтед на шестото место има бод повеќе од Њукасл, кој со одлична игра во второто полувреме убедливо го совлада Шефилд јунајтед со 5:1. Њукасл постигна пет гола откако Ахмедхоџиќ во петтта минута погоди за Шефилд. Два гола во победата на Њукасл постигна Исак.
Фудбалерите на Кристал Палас успеаја да дојдат до бод во градското дерби против Фулам во самиот финиш на натпреварот со голот на Шлуп. Претходно, Родриго ја продолжи добрата серија и го доведе својот тим до предност.
Вулверхемптон успеа да го совлада Лутон со головите на Хванг и Тоти. Лутон успеа да намали во 81. минута преку Морис, но недоволно за да освои барем бод.