Свет
Јапонија е во подлабока рецесија отколку што се очекуваше
Јапонскиот бруто домашен производ (БДП) паднал во третиот квартал од 2014 година за 1,9 отсто, повеќе отколку што претходно се проценуваше, како последица на падот на деловните инвестиции и слабеењето на личната потрошувачка, а тоа ја оправдува неодамнешната одлука на владата да го одложи зголемувањето на данокот на додаден вредност (ДДВ).
Јапонскиот бруто домашен производ (БДП) паднал во третиот квартал од 2014 година за 1,9 отсто, повеќе отколку што претходно се проценуваше, како последица на падот на деловните инвестиции и слабеењето на личната потрошувачка, а тоа ја оправдува неодамнешната одлука на владата да го одложи зголемувањето на данокот на додаден вредност (ДДВ).
Податоците објавени во понеделникот покажуваат дека Јапонија е во подлабока рецесија отколку што покажуваа првичните процени на БДП-то, според коишто третата светска економија во третото тримесечје паднала за 1,6 отсто на годишно ниво. Податокот е послаб во однос на 0,5-прецентниот пад, колку што очекуваа аналитичарите во анкетата на Reuters.
Падот на јапонската економија доаѓа најмногу како последица од падот на деловните инвестиции во изминатиот квартал за 0,4 отсто. Меѓутоа, рецесијата всушност ја предизвика зголемувањето на ДДВ-то во април од 5 на 8 отсто.
По силниот раст во првиот квартал од 2014 година, третата според обемот економија во светот, остро падна во вториот квартал, поради слабеењата во сферите на личната потрошувачка и на инвестициите, а во надолна насока продолжи и во третото тримесечје. Тоа неодамна предизвика владата на премиерот Шинзо Абе да го одложи дополнителното зголемување на ДДВ-то на 10 отсто, планирано за 2015 година.
Од крајот на 2012 година, кога стана премиер, Шинзо Абе води екстремно поттикнувачка економска политика којашто експертите ја нарекоа „Абеномија“. Таа вклучува зголемена државна потрошувачка, со истовремено попуштање на монетарните политики, па така јапонската централна банка Bank of Japan (BoJ) почна да откупува државни обврзници, според примерот на американската централна банка Federal Reserve (Fed).
Тоа предизвика пад на курсот на јенот во однос на американскиот долар на најниските нивоа во последните седум години, што им помага на јапонските извозници, бидејќи на тој начин нивните производи на светските пазари стануваат конкурентни. Покрај тоа, лабавата монетарна политика би требало да ги зајакне потрошувачката на домаќинствата и инвестициите, што би требало да ги поттикне растењата на БДП-то и на инфлацијата, со што Јапонија би се измолкнала од прегратките на дефлацијата којшто веќе со години ја задушува економијата.
Меѓутоа, бидејќи требаше да го спречи преголемиот раст на буџетскиот кусок, во април владата го зголеми данокот на ДДВ, поради што остро падна потрошувачката на домаќинствата, којашто сочинува дури 60 отсто од јапонскиот БДП, а потоа и стапката на инфлацијата.
Затоа, владата го одложи планираното ново зголемување на ДДВ-то. Меѓутоа, на тоа не реагираа добро меѓународните рејтинг агенции, па на почетокот од декември Moody’s го намали кредитниот рејтинг на Јапонија од „АА3“ на „А1“, и порача дека е неизвесно дали Јапонија може да го оствари планираното намалување на долговите.
Иако низата последни макроекономски показатели ги поттикнуваат сомневањата во успешноста на „Абеномијата“, аналитичарите наведуваат дека јапонската економија пораснала за 1,4 отсто откако кон крајот на 2012 година, Шинзо Абе ја презема премиерската должност. /крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.