Црна хроника
Воз прегази мигрант
Мигрант загина во железничка несреќа што се случила утрово околу 10.30 часот во кумановската населба Карпош.
Товарен воз што сообраќал на релација Табановце – Куманово удрил во лице, најверојатно илегален мигрант.Повредениот во критична состојба бил префрлен во Медицинскиот центар во Куманово каде што им подлегнал на повредите.Полицијата врши увид на местото на несреќата.Полицијата информира и за инцидент што се случил на граничниот премин „Богородица“, а во кој учествувале мигранти.Според податоците на полицијата, во неделата околу 17.30 часот поголема група мигранти почнале да фрлаат разни предмети и камења, шишиња, чевли кон полициските службеници.Полицијата привела тројца сириски државјани кои се издвоиле како предизвикувачи.Инаку, во изминативе три дена полицијата издала рекорден број потврди за изразување намера за барање азил на 3.694 мигранти, со што вкупниот број издадени потврди се искачи на вкупно 37.461.Полицијата примила и шест нови барања за признавање право на азил врз основа на претходно издадена потврда./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.