Регион
Обид за киднапирање на девојче во Црна Гора
Црногорската полиција трага по две непознати лица кои во вторникот се обиделе да киднапираат петнаесетгодишно девочје во Цетиње.
Обидот за киднапирање се случил во вторникот околу пладне во близина на основно училиште. Таткото на девојчето го пријавил случајот во полиција, два часа подоцна.
Тој изјавил дека во моментот на обидот за грабнување, заедно со својата сопруга се наоѓале во Подгорица. „Ќерка ми ми кажа дека заминала во продавница, кога забележала автомобил со регистерски ознаки со бела боја-караван којшто полека и се приближувал од позади“ изјавил таткото во полиција.
Девојчето помислило дека возилото ќе застане пред контенјерот кој бил во близина. Во автомобилот имало двајца мажи, еден на возачкото седиште и еден на задното седиште.
Мажот кој седел на задното сеиште ја отворил ватата, го фатил девојчето за левата рака и се обидел да ја пикне во автомобилот. Во тој момент девојчето го удрило киднаперот со телефонот којшто и бил во рацете и успеала да избега.
Таткото постојано е во контакт со полицијата и се надева дека киднаперите ќе бидат фатени./крај/бли
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.