Регион
Турција: Триумф на AKP на вонредните парламентарни избори
Исламско-конзервативната Партија на правдата и развојот (AKP) на турскиот претседател Реџеп Тајип Ердоган, уверливо победи на вонредните парламентарни избори кои се одржаа во неделата и успеа повторно да освои апсолутно мнозинство коешто го загуби на изборите во јуни годинава.
По 99 отсто од изборениот гласачки материјал. Партијата на правдата и развојот (AKP) освои 49,3 отсто од гласовите и според проекциите ќе има 316 од 550 пратенички места во парламентот, јавуваат телевизиите NTV и CNNTurk.Станува збор за голем успех на партијата во која и покрај тоа што замина на претседателската функција на државата, сите конци и натаму ги влече 61-годишниот Реџеп Тајип Ердоган, која на изборите од 7-ми јуни првпат од 2002 година го загуби апсолутното мнозинство во парламентот. Тогаш AKP се откажа од правење коалиција со партиите со кои има дијаметрално спротивни позиции, и се реши да оди на нови избори уверена дека со некои маневри ќе успее да обезбеди можност самата да ја составува владата.Турскиот премиер, и формален челник на AKP, Ахмет Давутоглу, изјави пред многубројните приврзаници на партијата дека неделата е „ден на победата“, откако стана јасно дека партијата обезбедува мнозинство.„Денеска е ден на победата, Победа на нашата демократија и победа на нашиот народ. Се надевам дека добро ќе ви служиме во следните четири години, и дека повторно ќе излеземе пред вас во 2019 година“, изјави Давутоглу алудирајќи на следните парламентарни избори.Изненадување претставува релативно слабиот резултат на прокурдската Демократска народна партија (HDP) која победоносно влезе во турскиот парламент првпат во јуни, а сега одвај го мина изборниот праг од 10 отсто, освојувајќи 10,4 отсто од гласовите на избирачите. Со тоа, таа освојува 59 мандати во парламентот, дури 21 помалку од јунските избори.Ваквите резултати на HDP, со обвинувањата за изборни нерегуларности и притисоци, предизвикаа судири на полицијата и младите курдски демонстранти во Дијарбекир, на курдскиот југоисток на Турција.Републиканската народна партија (CHP – социјалдемократите) повторно е на второ место со освоени 24,5 отсто од гласовите, па следува Партијата на националната акција (MHP – десница), со речиси 12 отсто гласови, а и двете имаат значително полоши резултати во однос на јунските избори.Интересно е што сите истражувања на јавното мнение пред изборите покажуваа дека AKP ќе освои меѓу 40 и 43 отсто од гласовите, што нема да беше доволно за самостојно формирање влада. Противниците на Ердоган се надеваа дека гласачите ќе одговорат на нивните повици да го казнат авторитарниот стил на владеење на Ердоган. Уште повеќе, по инцидентите со затворско казнување на малолетници за наводни навреди на шефот на државата и рациите во редакциите на опозициски медиуми, и особено на двете телевизиски мрежи блиски на струјата на неговиот поранешен сојузник исламскиот проповедник Абдулах Ѓул кој живее во егзил во САД, кого Ердоган го обвини за создавање „паралелна држава“.Аналитичарот Сонер Чагаптај од Институтот Вашингтон на социјалната мрежа Twitter дека „Победија стравот од несигурноста во Турција, и стратегијата на Ердоган на силен човек кој може да заштити“. Ердгоан, имено, при гласањето во Истанбул истакна дека овие избори се потребни по несигурниот резултат од изборите на 7-ми јуни, „Очигледно е колку стабилноста е важна за нашата земја“, порача.По изборите од 7-ми јуни годинава, политичката атмосфера во Турција значително се заостри. Во јули беше прекинат прекинот на огнот од последните две-три години, и продолжија вооружените судири со герилците на забранетата Работничка партија на Курдистан (PKK), со што дефинитивно беше закопан мировниот процес започна пред три години.Еден од факторите несомнено е и војната започната во соседна Сирија во март 2011 година, којашто се прелева и на територијата на Турција. По атентатот во Суруч во јули и двојниот самоубиствен бомбашки напад на предизборен митинг на прокурдските и левите сили на 10-ти октомври во Анкара, што е најкрвавиот терористички акт во турската историја со 102 мртви, турските власти поостро се пресметуваат со џихадистичката Исламска држава. Ова зголемување на насилствата сé повеќе ги загрижува западните сојузници на Турција, секако и Европската унија којашто се соочува со сé поголем прилив на бегалците и прогонетите од Блискиот исток, коишто надоаѓаат главно преку сириско-турската граница./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) На детско игралиште во Белград убиен маж
Едно лице беше убиено синоќа во пукотница на булеварот Вудро Вилсон во Белград на вода, објави РТС.
View this post on Instagram
Докторката Виолета Николиќ од Одделот за итни случаи потврди за РТС дека 35-годишен маж бил застрелан синоќа во 23.13 часот.
„Нашиот тим можеше само да заклучи дека 35-годишниот маж е мртов“, рече д-р Николиќ.
На социјалните мрежи се објавени снимки, на кои се гледаат телото на убиениот маж на детско игралиште и апсењето на друго лице.
фото: принтскрин
Регион
Пицула ја критикува ЕУ за пофалбите што ги дава на Србија: „Наместо тоа, барајте вистински реформи“
Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење на реформите во Србија, која е потресена од месеци антивладини протести предизвикани од железничката несреќа во Нови Сад пред една година.
Тој се осврна на честите пофалби од Европската комисија, како онаа минатата година кога претседателката на Комисијата, Урсула фон дер Лајен, му се обрати на српскиот претседател Александар Вучиќ со „драг Александар, покажа дека делата ги следат твоите зборови“.
За време на посетата на Белград во средата, наративот малку се смени, при што Фон дер Лајен му се обрати на Вучиќ со „господине претседателе“.
„Апелираме до Комисијата, наместо тоа, јасно да ја артикулира потребата од вистински и сеопфатни реформи, вклучително и враќање на демократските институции, зајакнување на владеењето на правото и борба против корупцијата и организираниот криминал“, рече Пицула.
Потпретседателката на пратеничката група на СиД, белгиската европратеничка Кетлин ван Бремпт, која е задолжена за проширување на ЕУ во нејзината група, истакна дека секоја неоправдана пофалба од страна на Комисијата за властите во Србија води до тоа студентите и граѓаните што протестираат на улиците да се чувствуваат предадено.
Европскиот парламент следната недела во Стразбур ќе дебатира за резолуција за растечката репресија во Србија, една година по уривањето на настрешникот на железничката станица во Нови Сад, при што загинаа 16 лица. Трагедијата предизвика месеци протести што Вучиќ ги нарекува обоена револуција.
Во изјава за новинарите во Брисел, Пицула рече дека од февруари до септември оваа година имало повеќе од 10.700 протести во цела Србија, кои биле обележани со репресија врз демонстрантите, произволни апсења и политички мотивирани притворања.
фото: принтскрин
Регион
Грција го усвои контроверзниот закон – отворен патот за 13-часовно работно време
Грчкиот парламент денес го усвои новиот закон за труд, кој предизвика бурни реакции и протести во целата земја. Со 158 гласа „за“ и 109 „против“ владиниот предлог беше изгласан, а левичарската опозициска партија СИРИЗА одби да учествува во гласањето.
Законот, кој според владата има цел да го направи пазарот на труд поприспособлив и поефикасен, им овозможува на работодавците во приватниот сектор да бараат од своите вработени да работат до 13 часа дневно наместо досегашните осум. Продолженото работно време може да се применува најмногу 37 дена годишно, а работниците се заштитени од отказ доколку одбијат да работат прекувремено.
Владата тврди дека со новите правила се зголемуваат флексибилноста и заштитата на работниците, особено оние со семејства, и дека законот дозволува четиридневна работна недела доколку има претходен договор меѓу работодавецот и вработениот.
Меѓутоа, синдикатите и опозицијата остро реагираа предупредувајќи дека реформата ја укинува суштината на осумчасовниот работен ден и ја легализира прекумерната експлоатација. Синдикатот на државните службеници ADEDY порача дека „флексибилното работно време во пракса значи уништување на семејниот и на општествениот живот и укинување на работничките права“.
Синдикатите потсетуваат и дека просечните плати во Грција се значително пониски од европскиот просек, а нерегистрираниот труд и натаму е голем проблем. Опозициските партии оценија дека законот е застарен и спротивен на европските тенденции за скратување на работното време и воведување пократка, но поквалитетна работна недела.
Новите одредби предвидуваат и поголема флексибилност при вработувања на определено време, со цел, како што наведува Министерството за труд, да се стимулираат продуктивноста и модернизацијата на пазарот на труд.
И покрај уверувањата на владата дека законот ќе ги заштити работниците и ќе овозможи подобра рамнотежа меѓу работа и приватен живот, јавноста останува поделена.
Пукање во Ѓорче Петров, жител пријавил дека му е скршен прозорецот од дневната соба, а во куќата нашол две зрна од оружје
Доцна синоќа во 03:00 часот во СВР Скопје, М.Ј.(39) од Скопје пријавил дека околу 02:50 часот, додека бил во неговиот...
Се гледаме во вториот круг, рече Шукова и повика недела да биде празник на демократијата и на слободата на одлучување
Кандидатката за градоначалничка на Скопје од СДСМ, Каја Шукова, ја заокружи кампањата за првиот изборен круг со повик до граѓаните...
Секој изгубен ден во политички престрелки е изгубена можност за Скопје, в недела масовно да излеземе, повика Ѓорѓиевски
На последниот ден од изборната кампања за првиот круг на локалните избори, кандидатот за градоначалник на Скопје од ВМРО- ДПМНЕ,...
Андоновски: Македонија добива современ и сеопфатен план за дигитален развој
Министерот за дигитална трансформација, Стефан Андоновски, денеска ја претстави новата Национална стратегија за информатичко-комуникациски технологии – „СМАРТ/МК 2030“, со што,...
Нема моќно оружје за Украина: Трамп ја менува приказната по разговорите со Путин
Американскиот претседател Доналд Трамп денес ќе го угости украинскиот претседател Володимир Зеленски во Белата куќа, но има сè повеќе знаци...
(Фото) Министерот за здравство се вакцинира против грип: Апелирам граѓаните навреме да се заштитат
Министерот за здравство Азир Алиу денеска го посети одделението за епидемиологија во Гостивар, каде и тој прими вакцина против сезонскиот...
(Видео) Русија: Нападнавме украински аеродром, каде што беа стационирани авиони на НАТО
Руските сили извршија напад врз воениот аеродром во Криви Рих, каде што наводно биле стационирани авиони на НАТО, објави руската...
Зеленски реагира на најавениот самит Трамп – Путин: тој денес пристигнува во Белата куќа
Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на...
(Видео) Трамп: Го прашав Путин дали би имал ништо против ако им дадам неколку илјади „томахавки“ на Украинците
Претседателот на САД, Доналд Трамп, изјави дека за време на разговорот со рускиот претседател Владимир Путин ја споменал можноста Украина...
Пицула ја критикува ЕУ за пофалбите што ги дава на Србија: „Наместо тоа, барајте вистински реформи“
Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење...
Дописник на Би-би-си: Заборавете на „томахавките“, состанокот Трамп – Путин е ладен туш за Украинците
Доналд Трамп повторно се обидува да ги комбинира дипломатијата и политиката на моќ – овој пат помеѓу Москва и Киев....
Шукова: Време е за резултати, уреден Бутел, нови паркови, подобар превоз и вода за сите
Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека...
Трамп по телефонскиот разговор: Ќе се сретнам со Путин во Будимпешта
Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
