Регион
Филе: ЕУ треба цврсто да го прегрне Западен Балкан
Еврокомесарот за проширување Штефан Филе во петокот во Дубровник го поддржал натамошното проширување на Европската унија (ЕУ) и порачак дека е време Унијата „цврсто да го прегрне“ Западен Балкан.
Еврокомесарот за проширување Штефан Филе во петокот во Дубровник го поддржал натамошното проширување на Европската унија (ЕУ) и порачак дека е време Унијата „цврсто да го прегрне“ Западен Балкан.
„Време е цврсто да го прегрнеме Западен Балкан. Процесот на проширувањето е најуспешниот трансформациски механизам“, изјавил Филе на панел дискусијата „Интеграцијата на Западен Балкан во ЕУ“, на деветиот Croatia Forum во Дубровник.
Тој навел дека процесот на проширувањето „не е на автопилот, туку со него мора да се управува“ и ја истакнал важноста на зајакнувањето на веродостојноста на земјите кандидати.
Филе признал дека во Унијата гласно се говори за заморот од процесот на проширувањето, а една од причините е тоа што ЕУ на долг рок се соочува со финансиска и економска криза. Од овие причини, според Филе процесот на проширувањето, политички паднал во втор план, пренесува Hina.
Еврокомесарот сепак нагласил дека треба да се направи се што е можно за на ова прашање да се гледа како на „дел од решението, а не од проблемот“.
Словачкиот министер за надворешни работи Мирослав Лајчак изјавил дека процесот на проширувањето е длабок политички процес кој нема да биде завршен без вклучувањето на Западен Балкан.
„Се работи за волјата за усвојување на реформи и градењето на модерно општество. ЕУ е атрактивна и релевантна. Членството ви дава место на масата, а не на менито“, сликовито објаснил Лајчак, потенцирајќи дека клучна работа за напредокот на Западен Балкан е соработката меѓу соседните земји.
„Регионалната соработка мора да се зајакне за да покажете дека се вклопувате во европското семејство“, рекол Лајчак.
Според него, ЕУ мора да ги одржи земјите од регионот „позитивно мотивирани“, за успешно да продолжат со реформите.
Хрватската министерка за надворешни работи Весна Пусиќ пак, рекла дека евроскептицизмот е присутен и во земјите кандидати и во старите земји членки.
„Старите членки имаат своја јавноста која од различни причини се сомнева во проширувањето“, изјавила хрватската министерка, додавајќи дека старите и новите членки од една страна, а кандидатите од друга страна, не се „спротивставени страни“ и дека преку нивното сојузништво и заедничката соработка, ќе се направи еден нов исчекор во ЕУ.
Според Пусиќ, „евроскептицизмот мора да се замени со еврореализам“, но предупредила и дека одбивањето на ратификацијата на Договорот за асоцијација во само еден од 28-те парламенти на земјите членки би ја променило ЕУ на долг рок./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.