Црна хроника
Фатени тројца крадци од Арачиново, извршиле 14 кражби и украле над 650.000 денари
Фатени тројца крадци од скопското село Арачиново, на возраст од 18 и 19 години, кои извршиле 12 кражби и две кражби во обид, и украле вкупно 666.412 денари, соопшти Министерството за внатрешни работи. За девет месеци извршиле 14 тешки кражби противправно „заработувајќи“ над 650.000 денари
Кривичните дела ги извршиле на подрачје на Гази Баба во временскиот период од март до декември минатата година, и тоа во 13 случаи во општина Арачиново, од кои 10 се тешки кражби во куќи, една е во обид, една во пошта, и две во моторно возило (една во обид), како и една тешка кражба во куќа во населбата Ченто.Тешките кражби во куќи ги извршувале најчесто во попладневните и вечерните часови кога сопствениците не биле присутни во своите домови, при што во пет случаи кривичните дела ги извршиле така што насилно ги отворале влезните врати од куќите, во два случаи со помош на алат и физичка сила ги отворале балконските врати, додека во три случаи со погоден предмет насилно делувале меѓу крилото и касата на прозорец. Во еден случај влегле во куќа со кршење на цилиндарот на бравата од влезната врата. По извршено претурање и пребарување во објектите одземале техничка стока, златен накит, златници и алат за работа.Тешката кражба во поштата во село Арачиново, пак, е извршена на тој начин што насилно со употреба на погоден предмет ја пресекле фиксната заштитна решетка, направиле отвор, а потоа насилно го отвориле прозорецот. По извршеното пребарување одзеле една метална каса – сеф марка „ЕМО Охрид“ во кој имало 17.412 денари, уплатници со вредност од 33.000 денари, разни документи и предмети сопственост на поштата. Сефот го натовариле во рачна количка, го истуркале во близина на отвореното игралиште во село Арачиново, каде од еден објект успеале да искористат електричен напон и со помош на електрична брусалка го отвориле и ги одзеле парите и останатите предмети. Сефот со патничко моторно возило го однеле во атарот на село Грушино, каде го фрлиле во шумата покрај локалниот пат. Двете тешки кражби во моторни возила ги извршиле со насилно отворање на предната хауба од возилата при што во еден случај украле еден акумулатор .Еден дел од противправно одземените предмети ги чувале во станот на еден од осомничените, додека пак златниот накит и златните пари за пониски цени, ги продале во златарски дуќан лоциран во Старата скопска чаршија, а добиените парични средства ги потрошиле за свои потреби. Исто така, дел од противправно одземените предмети (телевизори и алати) ги дале на три лица од село Арачиново за да подмират претходни парични долгови.При претрес во нивните домови пронајдени се дел од предметите од кражбите и им се вратени на оштетените. Извршен е разговор со двајца од крадците, додека по еден од нив како и трите лица кај кои се оставени дел од предметите, заради подмирување на претходни долгови се распишани локални потерници. Инаку, од тројцата пријавени, само крадецот по кој трага полицијата е регистриран сторител на кривични дела од областа на имотните деликти за што во 2012 година од страна на СВР Скопје му е поднесена кривична пријави. Против тројцата се поднесени кривични пријави за тешка кражба и кражба во обид./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Насилство зад затворени врати: Закани, туркање и физички напад кај две скопски семејства
Два одделни случаи на семејно насилство биле пријавени во Скопје, информираат од полицијата.
На 21 декември 2025 година, 51-годишна жена пријавила дека во семејниот дом на подрачјето на Центар, нејзиниот сопруг З.А. (66) ѝ се заканувал со остар предмет, по што го турнал нивниот 22-годишен син и му упатувал закани.
Во вториот случај, денеска (22 декември 2025 година) во 09:50 часот, во Полициска станица Кисела Вода бил извршен службен разговор со Б.К. (41) од Скопје. Се постапувало по претходна пријава дека во семејниот дом на подрачјето на Драчево физички ја нападнал својата 37-годишна сопруга.
Од МВР информираат дека се преземаат мерки за целосно расчистување на случаите, по што ќе следуваат соодветни поднесоци.
Фото: Depositphotos
Црна хроника
Сообраќајна кавга завршила со тепачки и оштетени возила во Скопје
Два одделни случаи на физички напади биле пријавени вчера во СВР Скопје, информира МВР.
Првиот случај бил пријавен околу 10 часот, кога на С.М. (47) од Скопје кој се движел со патничко возило од Јурумлери кон населбата Драчево, две возила му го попречиле патот. Според пријавата, од возилата излегле М.С. и уште неколку лица, кои физички го нападнале, при што употребиле и тврди предмети, а било оштетено и неговото возило.
Вториот случај бил пријавен истиот ден во 16:15 часот. Х.Т. (31) од Скопје пријавил дека околу 12:40 часот, на Средно Водно, по претходно недоразбирање во сообраќајот, бил физички нападнат од едно лице.
Од МВР информираат дека во двата случаи се преземаат мерки за целосно расчистување на настаните.
Црна хроника
Кражба во Кочани: му ја украл картичката од дома и извадил 90.000 денари од банкомат
Надворешната канцеларија за криминалистички работи Кочани поднесе кривична пријава против О.С.А.(41) од Штип поради постоење основи на сомнение за сторени кривични дела „кражба“ и за „соизвршителство“ во врска со „оштетување и неовластено навлегување во компјутерскиот систем“ и против Д.К.(35) од Штип и С.М.(38) од Кочани поради постоење основи на сомнение за сторено кривично дело „соизвршителство“ во врска со „оштетување и неовластено навлегување во компјутерскиот систем“.
На 29.10.2025 од куќа на лице од Кочани, првопријавениот одзел паричник со пари, лични документи и платежна банкарска картица. После тоа, тој ја дал картичката на второпријавениот, кој заедно со третопријавениoт од банкомат во Кочани извршиле три успешни трансакции од по 30.000 денари или вкупно 90.000 денари, а направиле и дополнителен обид за трансакција кој бил неуспешен.

