Од 15:05 часот сообраќајот на регионалниот пат Р-1202, Маврово – Дебар, кај местото викано „Ростушко анче“ е нормализиран, извести АМСМ.

Претходно поради незгода, сообраќајот на патот беше во целосен прекин.

„Истрагата за Кочани од страна на МВР е спроведена во целост и без поштедување кого било, како што тоа во минатото беше случај. Сите документи се предадени во ЈО и никој не е поштеден. ЈО е сега тоа што треба низ понатамошниот тек на постапката да одлучува кого ќе опфати со предметот, а кого не“, рече Валентин Манасиевски, член на ЦК на ВМРО-ДПМНЕ.

„Според СДС, што требаше да се направи? Да се штедат лицата што се осомничени и да се постапува како што постапуваа Филипче, Оливер Спасовски и Зоран Заев? Не, правдата мора да биде неселективна. СДС не само што не знае за правда воопшто, туку оди и понатаму злоупотребува смрт на невини лица.

Според наши информации, СДС имал состанок, на кој присуствувале повеќмина од раководството и токму на тој состанок договориле Кочани да биде дел од кампањата во следниот период.

Ова е одлучено и покрај обидите на неколкумина да укажат дека ова не е совесно ниту, пак, чесно и морално да се тера кампања со оваа трагедија, во која има починати 62 лица.

Ова е доказ дека СДС не знае за основни вредности. И покрај сите укажувања, раководството одлучило Кочани да е главна тема во следниот период и во пресрет на локалните избори.

Замислете, одат и понатаму, мислат дека оваа агенда ќе им донесе поени и ќе ги врати Заев и Филипче и сличните на нив.

Сето ова го прават истите луѓе што заборавија на модуларната болница, на „Дурмо турс“ и на „Беса транс“. Истите луѓе што играа со чувствата на народот во времињата на Шарената револуција кога зборуваа за Смилковското Езеро, за Младенов, за Нешковски, случаи за кои подоцна од позиција на власт срамно, но без око да им трепне, констатираа дека правдата е таа и виновниците се тие.

Ова се истите тие луѓе. Очигледно, не само што не се засрамуваат, туку се обидуваат со исти механизми да создаваат негативни чувства кај народот. Филипче и сличните на него на претстојните избори многу добро ќе видат што мисли народот за нив“, соопшти Валентин Манасиевски, член на ЦК на ВМРО-ДПМНЕ.

Краткорочно имаме идеи, сè уште немаме решение, но работиме на тоа и веруваме дека за кратко време ќе бидете известени, изјави новиот министер за здравство, Азир Алиу, за хаосот со паркингот на Клиничкиот центар „Мајка Тереза“ во Скопје.

Тој рече дека паркингот не е ни мапиран, односно не се знае ни колку паркинг-места има.

„Знаеме дека еден од главните инфраструктурни проблеми, освен зградите и внатре во Клинички, е паркингот. За жал, паркингот не е ни мапиран, ќе почнеме од базичните инфраструктурни чекори за да видиме колку паркинг-места има, со длабока анализа ќе видиме колку пациенти има, колку вработени и ќе излеземе со краткорочно решение“, рече Алиу.

Долгороченото решение за паркингот, додаде тој, ќе зависи од долгорочното решение за Клиничкиот центар.

„Ќе мора да бидеме претпазливи, да не се инвестира во нешто што можеби утре нема да биде во функција“, рече Алиу.