Спорт
Нуркиќ испиша историја, нов трипл-дабл на Јокиќ (Видео)
Центрите на Денвер Нагетс, Никола Јокиќ и Портланд Трејлблејзерс, Јусуф Нуркиќ ги распаметија НБА фановите со своите изданија во победите над Њујорк Никс, односно Сакраменто Кингс.
Србинот Јокиќ го запиша третиот трипл-дабл во сезоната, вкупно 19. во к…
Центрите на Денвер Нагетс, Никола Јокиќ и Портланд Трејлблејзерс, Јусуф Нуркиќ ги распаметија НБА фановите со своите изданија во победите над Њујорк Никс, односно Сакраменто Кингс.
Србинот Јокиќ го запиша третиот трипл-дабл во сезоната, вкупно 19. во кариерата, во тесната победа на Денвер над Њујорк 115:108, додека Босанецот Нуркиќ го запиша своето име во НБА историјата, а Портланд по продолжението победија против Сакраменто 113:108.
Јокиќ натпреварот против Њујорк го заврши со 19 поени, 14 скока, 15 асистенции, три блокади и една украдена топка.
Инаку најефикасен кај Нагетс во 24.победа сезонава беше Малик Бизли со 23 поени, а Пол Милсап уфрли 16 поени.
Кај Њујорк се истакна Турчинот Енес Кантер со 17 поени и 12 скока.
Јусуф Нуркиќ го одигра мечот на кариерата против Сакраменто. Репрезентативецот на Босна и Херцеговина забележа 24 поени, 23 скока, седум асистенции и по пет блокади и украдени топки.
Тој стана првиот играч во историјата на НБА лигата кој забележал најмалку по пет „поени“ во пет статистички категории, а при тоа да имал најмалку 20 поени и скокови.
Jusuf Nurkic becomes the first player in @NBAHistory to record a 5×5 game that included 20+PTS and 20+REB! #SAPStatLineOfTheNight pic.twitter.com/JIVpsVUjTE
— NBA.com/Stats (@nbastats) January 2, 2019
Неговиот соиграч Демијан Лилард запиша 26 поени и по шест скока и асистенции.
Кај Сакраменто блискаа двајцата играчи од Србија, Богдан Богдановиќ и Немања Бјелица. Богдановиќ забележа 19 поени, пет скока, пет асистенции и две блокади, а Бјелица оствари дабл-дабл од 14 поени и 16 скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Јокиќ не знае дали ќе игра за Србија на ОИ
Никола Јокиќ, кошаркарот на Денвер Нагетс изјави дека не знае дали ќе игра на Олимписките игри во Париз.
Денвер Нагетс беа елиминирани од Минесота во полуфиналето на Западната конференција, откако испуштија предност од 20 поени во седмиот натпревар.
Јокиќ имаше учинок од 34 поени, 19 скока и седум асистенции, а по мечот беше запрашан дали ќе игра за репрезентацијата на Олимписките игри.
„Не знам, ќе видиме, треба да размислам“, изјави Јокиќ.
Кошаркарскиот турнир на Олимписките игри ќе се игра од 27 јули до 10 август.
Србија во групната фаза ќе игра против САД, Јужен Судан и победникот на квалификацискиот турнир во Порторико.
Hoće li Nikola Jokić igrati za Srbiju na Olimpijskim igrama u Parizu? pic.twitter.com/bvwDvOFoZN
— B92 Sport (@b92sport) May 20, 2024
Спорт
На Лапорта му се слошило пред состанокот со Чави
Барселона го обезбеди второто место на крајот од сезоната со победата од 3-0 на домашен терен против Рајо Ваљекано.
Роберт Левандовски го постигна првиот гол во третата минута, а натпреварот беше решен кога Педри постигна два брзи гола, во 72. и 75. минута.
По натпреварот, претседателот на Барселона, Џоан Лапорта, се упатил кон службените простории за да одржи состанок со тренерот Чави, на кој , како што тврдат медиумите, требало да биде донесена одлука дали Чави ќе остане на чело на тимот и следната сезона.
Сепак, средбата не се одржала бидејќи, според шпанските медиуми, на Лапорта му се слошило и итно го напуштил стадионот и отишол во болница.
Чави по натпреварот имал средба со новинарите, на која рекол дека не знае каква ќе биде неговата судбина.
„Пораката е иста, кога ќе имам информација ќе ја споделам со вас. Но, ситуацијата е иста. Очекувам разговор што е можно поскоро“, рекол Чави.
Се чини дека навивачите го поддржаа Чави во наводниот судир со претседателот Лапорта.
„Не ми се допаѓа оваа ситуација. Не ми се допаѓа вакво нешто. Не сакам кога вака се искажува незадоволството, не е важно дали се работи за тренерот или претседателот. Непријатно ми е. Од друга страна, благодарен сум на нашите фанови што го извикуваа моето име“,
Минатата сезона Барселона по четири години пост ја освои титулата со Чави, но оваа година клубот остана без ниту еден трофеј.
Спорт
Родри: За разлика од Арсенал ние имаме победнички менталитет
Манчестер сити вчера ја одбрани титулата во Премиер лигата. Избраниците на Пеп Гвардиола во последното коло влегоа со два бода предност пред Арсенал, а на натпреварот против Вест Хем потврдија дека се најдобри во Англија.
За менаџерот Пеп Гвардиола тоа беше шеста шампионска титула на клупата на англискиот клуб. Сити заврши со два бода повеќе од второпласираниот Арсенал.
Шпанецот Родри беше еден од клучните играчи во тимот на Гвардиола, а по освојувањето на титулата ја објасни разликата помеѓу Сити и Арсенал.
„Кога Арсенал дојде на „Етихад“, почувствував дека тие момци не сакаат да победуваат. Тие сакаа да одиграат нерешено, ние го немаме тој менталитет“.
Родри, вчера против Вест Хем го постигна третиот гол за Манчестер сити.