Спорт
Крис Фрум нема да вози околу Италија
Еден од најдобрите светски велосипедисти Британецот Крис Фурм нема да ја брани титулата на трката околу Италија. Популарното „Џирод Д’Италија“, ќе го пропушти и неговиот колега од тимот Скај, Герент Томас.
Фрум решил да се откаже од настапот на „Џиро Д…


Еден од најдобрите светски велосипедисти Британецот Крис Фурм нема да ја брани титулата на трката околу Италија. Популарното „Џирод Д’Италија“, ќе го пропушти и неговиот колега од тимот Скај, Герент Томас.
Фрум решил да се откаже од настапот на „Џиро Д’Италија“ за да има повеќе време за подготовки за трката околу Франција каде ќе се обиде да ја освои петтата титула.
Од неговиот тим објавија дека лидер на на екипата на трката околу Италија ќе биде Колумбиецот Еган Бернал.
„Имам убави сеќавања од минатата година, но оваа мојата главна цел е трката околу Франција, така што мислам дека е најдобро да го прескокнам „Џиро Д’Италија. Дојдов до една точка во мојата кариера кога започнав да размислувам за она што ќе остане зад мене. Доколку петти пат победам во Франција ќе се приклучам на елитната група на велосипедисти што го направиле тоа. Само четворица направиле таков подвиг. Тоа би било неверојатно“, рекол Фрум.
Трката околу Италија на програмата е од 11. мај до 2. јуни, додека трката околу Франција ќе се вози од 6. до 28.јули.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.
Спорт
Реал го отпушти медицинскиот тим

Реал Мадрид имаше неуспешна сезона во која не освои ниту еден трофеј.
Шпанските медиуми наведуваат дека една од причините е тоа што голем број играчи се повредиле во последната сезона под водство на Карло Анчелоти.
За да се спречи ова повторно да се случи, новиот тренер Чаби Алонсо заедно со раководството одлучи да го отпушти целиот медицински тим.
Како што пишуваат шпанските медиуми, имало лоши односи во тимот задолжен за здравјето на играчите и тоа ги принудило луѓето во „кралскиот клуб“ да направат радикален потег.