Спорт
Иниеста: Барса требаше да освои повеќе трофеи од ЛШ
Легендата на Барселона, Андрес Иниеста во последното интервју со весникот „Диарио спорт“, изрази жалење што неговиот клуб не освои повеќе титули од Лигата на шампионите, но вели дека трите трофеи во низа на Реал Мадрид се сосема заслужени.
Поранешниот …
Легендата на Барселона, Андрес Иниеста во последното интервју со весникот „Диарио спорт“, изрази жалење што неговиот клуб не освои повеќе титули од Лигата на шампионите, но вели дека трите трофеи во низа на Реал Мадрид се сосема заслужени.
Поранешниот капитен на Барса си замина од клубот минатото лето за Висел Кобе во Јапонија по девет титули од Ла лига и четири од Лигата на шампионите.
„Се надевам дека оваа година ќе го направат чекорот кој недостасуваше во минатото. Секогаш сум велел дека тој што ќе ја освои Лигата на шампионите целосно ја заслужува“, вели Иниеста.
И покрај шпекулациите кои го поврзуваа со заминување во Манчестер сити, каде што би бил дел од тренерскиот тим на Пеп Гвардиола, Иниеста вели дека фудбалот уште не му е здодевен.
„Вистината е дека воопшто не сум размислувал за тоа. Не знам што ќе се случи за неколку години. Засега сум фокусиран да бидам фудбалер во друга земја и во поинаков шампионат, но сепак, фудбалер“, вели Иниеста.
Тимот на Пеп во Барса од 2008 до 2012 според дел од фудбалските фанови е најсилниот тим на сите времиња, но Иниеста вели дека успехот на тие фудбалери не значи дека ќе бидат добри тренери.
„Во теорија тоа е добра идеја, но иднината ќе не постави на местото на кое треба да бидеме. Ја имаме љубовта од фановите бидејќи бевме во клубот долго време, но тоа не гарантира успех. Во мојот случај, би сакал да го пренесам тоа што го научив. Не знам на каков начин, дали ќе бидам подготвен и кој тогаш ќе биде клубот. Ќе видиме“, додава Иниеста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Индијана надмоќно ја доби мајсторката во Њујорк
Индијана Пејсерс ќе им се спротивстави на Бостон Селтикс во финалето на Источната конференција во НБА лигата. Пејсерс ја добија мајсторката во Њујорк со 130:109. Финалната серија на Исторкот започнува во среда наутро по средноевропско време.
Пејсерси ги искористија сите проблеми кои го следеа Њујорк, фантастично шутираа и без проблем го добија седмиот натпревар. Индијана во првото полувреме имше реализација од речиси 80 отсто, во првата четвртина стекна двоцифрена предност.
Њујорк се обиде во третиот период разликата од 22 поени ја спуштија Никс на шест, но немаа сили за пресврт.
Повредите ги уништија Никс во оваа серија, Ануноби се обиди, одигра пет минути, а Харт го одигра речиси целиот натпревар, но не беше на очелуваното ниво. Надежите на Никс се урнаа во третата четвртина кога најдобриот играч Брансон се здоби со фрактура на дланката.
Од претходно во Њујорк ги немаше Рендл, Робинсон и Богдановиќ.
Халибартон со 26 поени, четири скока и шест асистенции ја предводеше Индијана, по 20 поени постигнаа Нембхард и Сиакам, 19 додаде Нејсмит со 8-8 од игра.
Кај Никс се истакнаа ДиВинченцо со 39 поени (10 тројки), Буркс додаде 26, а Брансон уфрли 17 поени.
Спорт
Гвардиола: Блиску сум до заминување
Манчестер сити со победата против Вест Хем четврта година по ред стана шампион на Англија. Оваа титула е шеста за Пеп Гвардиола на клупата на „граѓаните“.
Славниот тренер има договор до 2025 година, а неговата изјава по кревањето на пехарот ги шокираше навивачите на Сити.
„Реалноста е дека поблиску сум до заминување отколку да останам. Зборував со челниците, чувствувам дека сакам да останам. Останувам следната сезона, тоа е сигурно. Но, ќе разговараме во текот на сезоната. Овде сум во клубот осум, девет години… Ќе видиме што ќе се случи понатаму“, изјави Гвардиола.
Пеп го презеде Сити во 2016 година и освои се што можеше да се освои со клубот. Во својата кариера овој 53-годишен фудбалер успешно ги водеше Барселона и Баерн.
Сити го водел на 471 натпревар. Оствари 349 победи, 57 нерешени и 65 порази.
Спорт
Метла за Партизан – Црвена звезда пред 20.000 „гробари“ ја освои титулата во АБА лигата
Кошаркарите на Црвена звезда ја освоија титулата во АБА лигата, откако во финалната серија против Партизан ја добија со 3:0. Третиот меч на теренот на Партизан, екипата на Црвена звезда го доби со 82:76.
Ова беше шести последователен триумф на тимот на Јанис Сферопулос над тимот предводен од Жељко Обрадовиќ, шести во 2024 година.
Звезда со тоа го освои вториот трофеј сезонава, откако во февруари во Ниш го освои националниот куп.
Црвена звезда му се реваншираше на Партизан за поразот во ланското финале и ја прекина една долга традиција во АБА лигата. Ниту една екипа во претходните четирите претходни финални серии не успеа да победи на гостински терен.
Третиот меч во целост им припадна на црвено-белите. Партизан само еднаш имаше предност, во раната фаза од третата четвртина. Звезда експресно ја врати предноста, а во решавачкиот период влезе со предност од седум поени.
Голем чекор кон победата тимот на Сверопулос направи кога дојде до двоцифрена предност. Партизан до крајот се обиде но не успеа да направи пресврт.
Црвена зведа до победата ја предводеа Митровиќ и Гедраитис со по 12 поени, првиот имаше и осум скока, Дос Сантос постигна 11, а Лазиќ и Давидовац по девет поени. Тренерот Сферопулос играше со 11 играчи и сите постигнаа поени.
Партизан го предводеа Аврамовиќ со 17 и Анѓушиќ со 13 поени. Разочараа Пантер и Лидеј со пет, односно четири поени.
МВП на финалната серија е Бразилецот Јаго Дос Сантос.