Спорт
Ѓоковиќ со пресврт го реши Фучович и избори четвртфинале во Доха (видео)
Најдобриот тенисер во моментов, Србинот Новак Ѓоковиќ се пласираше во четвртфиналето на турнирот во Доха откако по голема борба и со пресврт, со 2-1 во сетови го порази Унгарецот Мартин Фучович (4:6, 6:4 и 6:1).
Унгарецот одигра одличен меч, но само до…
Најдобриот тенисер во моментов, Србинот Новак Ѓоковиќ се пласираше во четвртфиналето на турнирот во Доха откако по голема борба и со пресврт, со 2-1 во сетови го порази Унгарецот Мартин Фучович (4:6, 6:4 и 6:1).
Унгарецот одигра одличен меч, но само до крајот на вториот сет. Во првиот сет кој го доби со 6-4 брејк направи во деветтиот гем и потоа со сигурен сервис си обезбеди значајна предност во мечот.
Фучович беше добар и во вториот сет, но неискуството и лошата проценка го чинеа освојување на сет што му помогна на Ѓоковиќ да израмни на 1-1 во сетови.
Во третиот одлучувачки сет Ѓоковиќ „додаде гас“ и со 6-1 го приведе мечот до крај недавајќи му на противникот никаква шанса за триумф.
Ѓоковиќ во четвртфиналето на турнирот ќе се судри со подобриот од дуелот Рубљев (Русија) – Басилашвили (Грузија) кој е во тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Клоп оди на долг одмор, размислува и да се пензионира
Јирген Клоп, вчера последен пат го водеше Ливерпул. Германецот по девет години реши да си замине од „Енфилд“. По неговиот последен меч како менаџер на Ливерпул се поставува прашањето дали ќе се пензионира?
Јирген Клоп вчера откри дека никогаш нема да се врати во Англија како менаџер.
„Ова сигурно ќе биде долга пауза, нема да се вратам наскоро, а можеби и ова е крајот ( пензионирање)“, рече Клоп.
„Моето време во Англија заврши бидејќи никогаш повеќе нема да тренирам клуб од Премиер лигата“, додаде Германецот.
Клоп на клупата на Ливерпул мина 488 натпревари, победи на 303, а загуби само 85.
Со Ливерпул ја освои титулата во Премиер лигата, трофејот во Лигата на шампионите и стигна до финалето на Лига Европа. Има по еден трофеј во Лига купо и ФА Купот.
Додека беше во Ливерпул два пати беше прогласен за најдобар тренер на светот.
Спорт
(Видео) Јокиќ не знае дали ќе игра за Србија на ОИ
Никола Јокиќ, кошаркарот на Денвер Нагетс изјави дека не знае дали ќе игра на Олимписките игри во Париз.
Денвер Нагетс беа елиминирани од Минесота во полуфиналето на Западната конференција, откако испуштија предност од 20 поени во седмиот натпревар.
Јокиќ имаше учинок од 34 поени, 19 скока и седум асистенции, а по мечот беше запрашан дали ќе игра за репрезентацијата на Олимписките игри.
„Не знам, ќе видиме, треба да размислам“, изјави Јокиќ.
Кошаркарскиот турнир на Олимписките игри ќе се игра од 27 јули до 10 август.
Србија во групната фаза ќе игра против САД, Јужен Судан и победникот на квалификацискиот турнир во Порторико.
Hoće li Nikola Jokić igrati za Srbiju na Olimpijskim igrama u Parizu? pic.twitter.com/bvwDvOFoZN
— B92 Sport (@b92sport) May 20, 2024
Спорт
На Лапорта му се слошило пред состанокот со Чави
Барселона го обезбеди второто место на крајот од сезоната со победата од 3-0 на домашен терен против Рајо Ваљекано.
Роберт Левандовски го постигна првиот гол во третата минута, а натпреварот беше решен кога Педри постигна два брзи гола, во 72. и 75. минута.
По натпреварот, претседателот на Барселона, Џоан Лапорта, се упатил кон службените простории за да одржи состанок со тренерот Чави, на кој , како што тврдат медиумите, требало да биде донесена одлука дали Чави ќе остане на чело на тимот и следната сезона.
Сепак, средбата не се одржала бидејќи, според шпанските медиуми, на Лапорта му се слошило и итно го напуштил стадионот и отишол во болница.
Чави по натпреварот имал средба со новинарите, на која рекол дека не знае каква ќе биде неговата судбина.
„Пораката е иста, кога ќе имам информација ќе ја споделам со вас. Но, ситуацијата е иста. Очекувам разговор што е можно поскоро“, рекол Чави.
Се чини дека навивачите го поддржаа Чави во наводниот судир со претседателот Лапорта.
„Не ми се допаѓа оваа ситуација. Не ми се допаѓа вакво нешто. Не сакам кога вака се искажува незадоволството, не е важно дали се работи за тренерот или претседателот. Непријатно ми е. Од друга страна, благодарен сум на нашите фанови што го извикуваа моето име“,
Минатата сезона Барселона по четири години пост ја освои титулата со Чави, но оваа година клубот остана без ниту еден трофеј.