Македонија
Адеми молчи колку пари потрошил за новогодишниот концерт во Виена
Министерството за култура молчи за трошоците направени за престојот на министерот за култура Асаф Адеми и други претставници на новогодишниот концерт во Виена. За престојот на 1 и 2 јануари во Виена, министерството информираше дека станувало збор за работна посета на Виенската државна опера на покана на директорот Доминик Мајер но дознаваме дека Адеми и уште еден вработен во министерството за култура на патувањето биле и со своите сопруги.
„Макфакс“ побара одговор од Нурџан Асановска, портпарол во ова министерство, за точната сума на потрошени средства и за колку луѓе се издвоени пари од буџетот на министерството за трошоци за авио билети и хотелски сместувања за овој престој во Виена , но не добивме прецизен одговор.
„Во рамки на посетата, а во чест на одбележувањето на 150-годишнината од основањето на Виенската државна опера, министерот Адеми присуствуваше и на изведбата на операта „Лилјакот“ од Јохан Штраус. Во рамки на престојот министерот Адеми оствари и работна средба со директорот Мејер на која се разговараше за можностите за соработка на оваа реномирана оперска куќа со националните установи од Република Македонија. За работната посета на министерот Адеми на Виенската државна опера од буџетот на Министерството за култура беа издвоени средства за авионски билет и за хотелско сместување, додека влезницата за оперската изведба беше покриена од страна на домаќинот“, ни одговорија од министерството за култура.
Адеми во својот прв отчет за периодот од 1 јуни до 1 ноември 2018 година, објави дека имал реализирано две патувања во Тирана и во Франкфурт и искористил еден авионски билет во висина од 7.286 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.