Спорт
Вајда: Главната цел на Ѓоковиќ е рекордот на гренд слемови на Федерер
Во интервју за чешкиот портал „Спорт.цз“, долгогодишниот тренер на Новак Ѓоковиќ, Маријан Вајда признава дека светскиот број 1 има голема цел во новата сезона – да се освојат четири гренд слема во низа и да се стигне рекордот на Роџер Федерер од …
Во интервју за чешкиот портал „Спорт.цз“, долгогодишниот тренер на Новак Ѓоковиќ, Маријан Вајда признава дека светскиот број 1 има голема цел во новата сезона – да се освојат четири гренд слема во низа и да се стигне рекордот на Роџер Федерер од 20 големи титули.
Помеѓу САД опен во 2015 и Ролан Гарос во 2016, Ѓоковиќ го направи тој успех, освојувајќи четири гренд слема во низа.
„Новак веќе кажа дека сака да има четири гренд слема во една календарска година, а исто така зборуваме и за рекордот на Федерер. Новак има 14 гренд слема, Роџер има 20, така што тој треба да остане здрав и да работи напорно“, вели Словакот.
Во 2018 година, Ѓоковиќ имаше изненадувачки добра сезона во која освои два гренд слема (Вимблдон и САД опен), како и Мастерс 1000 турнирите во Синсинати и Шангај.
„И ние не очекувавме таков успех. Кога се вратив на работа со Новак, го најдов во состојба во која не можеше да победува на големит мечеви. Знаев дека ќе стане шампион, но не толку бргу. Сега, ситуацијата е поинаква и ќе има притисок на него како на фаворит. Уште не научив да зборувам српски, но како Словак имаме некои слични зборови. Се чувствувам како дел од неговото семејство“, вели Вајда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Македонија ја оствари целта, победи во Рига
Фудбалската репрезентација на Македонија славеше во Рига против Летонија со 3:0 (1:0), во третото коло во Групата 4, во Ц-дивизијата во Лигата на нации.
Македонија во натпреварот против Летонија влезе како фаворит и таа улога играчите на Боби Милевски ја оправдаа на теренот.
Мрежата на Летонците прв ја погоди Атанасов во 35.минута, а конечниот резултат со деби голот во националниот тим го постави Ќамили во 70.минута. Фудбалерот на Сондерјиске на теренот влезе четири минути претходно.
— goals (@StefanDaskalov5) October 10, 2024
— goals (@goals9961429696) October 10, 2024
Точка на натпреварот стави Елмас во 93.минута, играчот на Лајпциг од 16 метри ја закова топката во летонскиот гол. Играчот на Лајпциг го постигна 13. гол во националниот тим.
— Live stream @FCStreamTV (@IgnaciaSma39875) October 10, 2024
Пп три кола Македонија има седум бода и е прва на табелата. За три дена македонските фудбалери ќе гостуваат кај Ерменија.
Спорт
Купмajнерс скрши ребро, го пропушта „Дербито на Италија“
Холанѓанецот Теун Купмајнерс скршил ребро, соопшти неговиот клуб, италијански Јувентус.
Италијанските медиуми објавија дека Копемајнерс може да отсуствува и до еден месец.
Поради ова, тој најверојатно ќе го пропушти дербито Интер на 27 октомври.
„Според наодите на лекарот, тој има мала скршеница на реброто на десната страна“, се вели во соопштението и се истакнува дека неговото враќање на теренот ќе зависи од неговото закрепнување.
Копмајнерс (26), кој летово пристигна од Аталанта Бергамо за 55 милиони евра, се повреди на натпреварот Јувентус-Каљари минатиот викенд (1:1).
Спорт
ПСЖ е воодушевен од најавената продажба на Париз на Ред Бул
Како што објави „Лекип“, Ред Бул се подготвува да го преземе парискиот фудбалски клуб со семејството Арно, а веста одекна во Франција бидејќи големото богатство на идните сопственици потенцијално ќе го промени фудбалот во Париз и низ целата земја.
Во Лига 1, од повеќе причини, нема градови кои имаат два клуба во лигата. Како што стојат работите оваа сезона, географски се најблиску Ница и Монако – ги делат околу 20 километри. Но, тоа може да се промени.
Париз вложи многу во тимот во текот на летниот преоден рок, а тоа полека но сигурно се исплати. Париз моментално е лидер во Лига 2. Доколку се случи најавеното преземање на клубот, семејството Арно и Ред Бул сигурно ќе имаат пари за високи амбиции.
Очекувано, реакциите на навивачите на Париз на оваа вест се позитивни, а ништо поразлично не е и кај потенцијалните градски ривали Пари Сен Жермен.
„Тоа е одлична вест. Тоа би било фантастично за Париз и за францускиот фудбал. Тоа би донело здраво ривалство во нашиот главен град на највисоко ниво“, изјави првиот човек на Пари Сен Жермен, Насер Ал Хелаифи за RMC Sport.