Спорт
АО: Ѓоковиќ може да оди на Надал или Федерер само во финалето
Новак Ѓоковиќ со најголемите ривали Рафаел Надал и Роџер Федерер може да се сретне само во евентуалното финале на Австрлија опен. Ждрепката, која беше извршена утрово по средно-европско време, како најсериозен ривал на Ѓоковиќ му го донесе Александар З…
Новак Ѓоковиќ со најголемите ривали Рафаел Надал и Роџер Федерер може да се сретне само во евентуалното финале на Австрлија опен. Ждрепката, која беше извршена утрово по средно-европско време, како најсериозен ривал на Ѓоковиќ му го донесе Александар Зверев. Проетираниот дуел на овие двајца е во полу-финалето.
Ѓоковиќ патот до евентуалната седма титула на Австралија опен ќе го започне во дуелот со квалификант. Името на противникот ќе го дознае в петок кога ќе завршат квалификациите во Мелбурн.
Во второто коло Србинот ќе се соочи со Жо-Вилфред Цонга или Мартин Клижан, веројатен противник во третата рунда му е Денис Шаповалов, во осмина-финалето ќе оди на Давид Гофан или Данил Медведев, а во четврт-финалето проектиран противник му е Кеи Нишикори.
Надал и Федерер се наоѓаат на спротивната страна од костурот. Федерер во првата рунда ќе игра против Денис Истомин, а во втората рунда ќе се соочи со квалификант. Во третото коло можем противник на Швајцарецот е Гаел Монфилс.
Доколку нема изненадувања, во четвртото коло Федерер ќе го чека Стефанос Циципас или Николоз Басашвили, а во четврт-финалето потенцијални противници ќе му бидат Роберто Баутиста-Агут, Марин Чилиќ, Карен Хачанов, можеби и Енди Мареј.
Британецот Мареј, кој полека се враќа на големата сцена, немаше среќа со ждрепката. Него во првата рунда го чека Баутиста-Агут, човекот кој минатата недела го победи Ѓоковиќ во полу-финалето на турнирот во Доха, а потоа против Бердих и ја освои титулата.
Надал не би требало да има тешка задача во првите две рунди, каде треба да игра против Џејмс Дакворт и Јан-Ленард Штруф. Можен ривал во третото коло му е домашниот играч Алекс де Минор, а во осмина-финалето проектиран е дуелот со Диего Шварцман или Џон Изнер.
Кивени Андерсон, Грогор Димитров или Џон Изнер би му стоеле на патот во четврт-финалето, а доколку се оди според планот во полу-финалето Надал ќе го чека Федерер.
Првиот Гренд-слем во сезоната, Австралија опен, ќе започне на 14.јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Англија со победа го започна ЕП – Белингем и пресуди на Србија
Англија, според прогнозите најголемиот фаворит за титулата на ЕУРО 2024, со победа над Србија 1:0 (1:0) го започнаа контитнеталниот шампионат.
Одличен динамичен натпревар одиграа двете репрезентации во Гелзенкирхен, на крајот пресуди голот на Џуд Белингем во 13.минута и кукавичката игра на Србија во првите 20 минути од натпреварот.
Англичаните во силно темпо го започнаа натпрварот, не им дадоа да „дишат“ на Србите, кои панично се бранеа. Првата вистинска акција ја претворија во гол, Сака успеа некако да нафрли покрај Павловиќ, а Белингем од седум метри ја закова топката во голот.
Притисокот на Англичаните траеше и во наредните десетина минути, пото Србите полека започнаа да фаќаат ритам, ја презедоа контролата врз играта, но до крајот на полувремето имаа една можност, преку Митровиќ чии удар заврши крај голот.
Во вториот дел, Србите апосолутно доминираа, ги стиснаа Англичаните кои успеаја да се одбранат. Пикфорд го одбрани ударот на Влаховиќ, а Кејн интервенираше по шутот на Бирманчевиќ.
Англичаните во второто полувреме имаа само една шанса, ударот на Кејн го одбрани Рајковиќ, а потоа топката од гредата се одби во поле.
Во второто коло, Англија ќе игра против Данска, а Србија против Словенија.
Спорт
УЕФА покрена дисциплинска постапка против ФС на Албанија
Дисциплинската комисија на Европската фудбалска унија (УЕФА) покрена истрага против Фудбалскиот сојуз на Албанија, поради непримерното однесување на нивните навивачи пред, за време и по натпреварот против Италија во петок, на 15 јуни.
Албанците фрлаа предмети на теренот на стадионот, употребија пиротехника, а еден од навивачите во самиот финиш влезе на теренот. Имаше и провокативни пораки кои беа главна причина за поведување на постапката.
Засега не е важно кога ќе биде изречена казната и колку таа ќе биде сериозна.
Во меѓувреме, албанските навивачи не се смируваат и денеска учествуваа во судири со српските навивачи низ улиците на Гелзенкирхен.
Спорт
(Видео) Данска и Словенија одиграа без победник
Словенија и Данска одиграа без победник 1:1 (0:1) во првиот меч од Ц групата на Европското првенство. Ова е прв нерешен резултат на првенството и воедно прв натпревар на кој беа постигнати помалку од три гола.
Натпреварот на стадионот во Штутгарт, според квалитетот, беше најслаб од почетокот на турнирот. Данска доминираше и играше подбро во првиот дел, а Словенците издоминираа во последните 25 минути од натпреварот.
Данците во 17.минута ја одиграа најубавата акција на мечот, Винд му асистираше на Ериксен на кого не му беше тешко да го совлада Облак. Ериксен постигна гол на ЕП точно 1.100 дена откако доживеа срцев удар на последниот континентален турнир.
Словенците во првиот дел се определија да го бранат својот гол, ретки беа нивните напади, а Шпорар имаше шанса да постигне гол.
Клучниот момент на натпреарот се случи во 66.минута кога Облак го одбрани ударот на Хојлунд и спречи водство на Данска 2:0.
Од тој момент Словенците тргнаа во офанзива. Се редеа шансите пред голот на Шмајхел. Два пати не успеа Шпорар, Шешко со страотен удар од 25 метри ја погоди стативата, а во 77.минута изедначи Јанжа со мала помош на Јумланд.