Спорт
Дончиќ блесна против Феникс, Кузма лидер на Лејкерс (Видео)
Лука Дончиќ, Кајл Кузма, Ентони Дејвис, Донован Мичел, Џоел Ембид и Бредли Бил одиграа брилијантни натпревари за своите тимови изминатата ноќ во НБА лигата.
Дончиќ класата ја покажа и против својот поранешен селектор Игор Кокошков кој ги предводи Феник…
Лука Дончиќ, Кајл Кузма, Ентони Дејвис, Донован Мичел, Џоел Ембид и Бредли Бил одиграа брилијантни натпревари за своите тимови изминатата ноќ во НБА лигата.
Дончиќ класата ја покажа и против својот поранешен селектор Игор Кокошков кој ги предводи Феникс Санс. Далас славеа против Феникс 104:94, а Дончиќ мечот го заврши со 30 поени, 6 скока и 5 асистенции.
19-годишниот Дончиќ и тренерот Кокошков во 2017 година со Словенија го освоија златниот медал на европското првенство.
Кајл Кузма полека се наметнува како втора опција во нападот на ЛА Лејкерс секако кога на теренот е Леброн Џејмс. Кузма, во отсуство на Леброн го одигра најдобриот меч во кариерата.
Во победата на Лејкерс над Детроит 113:100, Кузма постигна рекордни во кариерата 41 поен.
Јута на домашен терен ги совлада Орландо Меџик 106:93. Џезерите ги предводеше Донован Мичел со 33 поени и 7 асистенции, а Руди Гобер забележа дабл-дабл од 12 поени и 14 скока. Кај Орландо на своето ниво одигра Никола Вучевиќ (20 поени, 8 скока).
Њу Орлеанс Пеликанс и Ентони Дејвис ги збришаа Кливленд Кавалирс 140:124. Дејвис оствари уште еден монструозен дабл-дабл (38 поени, 13 скока, 7 асистенции).
Филалделфија доживеа убедлив пораз во Вашингтон, иако Џоел Ембид блескаше со 35 поени и 14 скока. На спротивната страна Вашингтон го имаа Бредли Бил кој постигна 34 поени во победата 123:106.
Резултати:
Бостон-Индијана 135:108
Вашингтон-Филалделфија 123:106
Бруклин-Атланта 116:110
Хјустон-Милвоки 109:116
Мемфис-Сан Антонио 96:86
Њу Орлеанс-Кливленд 104:94
Далас-Феникс 104:94
Јута-Орландо 106:93
Портланд-Чикаго 124:112
ЛА Лејкерс-Детроит 113:100
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона потврди дека Чави добил отказ
Фудбалскиот клуб Барселона потврди дека Чави Ернандез повеќе нема да биде тренер на првиот тим.
Како што беше најавено, Џоан Лапорта не му ги прости критиките на Чави за лошата ситуација во клубот и денеска му врачи оставка.
Барселона на официјалниот сајт на клубот потврди дека Чави последен пат ќе седне на клупата против Севилја во недела.
„Фудбалскиот клуб Барселона му се заблагодарува на Чави за сè што направи како тренер, надградувајќи го она што го прави како играч и капитен. Клубот му ја посакува сета среќа на светот. Чави ќе го води тимот за последен пат време во недела на гостувањето кај Севилја. Во наредните денови Барселона ќе објави повеќе информации за новиот тренер“, соопшти Барселона.
Како што е познато, Лапорта и спортскиот директор Деко, постигнале договор со Ханси Флик, кој во понеделник ќе биде назначен за нов тренер.
Спорт
Бразилската мафија го принудила Пакета да добива жолти картони – Фудбалерот се соочува со 10-годишна суспензија
Скандалот „Пакетa“ ги тресе Англија и Бразил.
Репрезентативецот на Бразил и фудбалер на Вест Хем, Лукас Пакета е на мета на англиското обвинителство поради учество во нелегално обложување.
Англичаните утврдиле дека Пакета во четири наврати намерно добил жолти картони. Бразиелцот тврди дека не е виновен.
Англиските медиуми пишуваат дека доколку Пакета не ја докаже својата невиност може да добие суспензија од 10 години.
Бразилски медиуми, кои внимателно го следат случајот, тврдат дека Пакета, под закана од бразилската мафија, бил принуден да ги добива жолтите картони.
Еден од шефовите на бразилското подземје упатил серизно закани до Пакета и неговото семејство дека поради големиот број на уплети мора да добие жолти картони.
Засега нема докази, но се чини дека ова е само почеток на скандалот кој може да го одбележи летото во Англија и Бразил.
Спорт
Македонските ракометари во третиот шешир пред ждрепката за СП
Foto/ facebook.com/rfmofficial
Ракометната репрезентација на Македонија на 29 мај ќе ги дознае противниците со кои ќе се сретна во првата фаза на Светското првенство чии домаќини наредната година ќе бидат Хрватска, Данска и Норвашка.
На ракометниот Мундијал ќе учествуваат 32 репрезентации кои ќе бидат поделени во шест групи.
Во пресрет на ждрепката домаќините си одбраа по една група за себе и дополнително уште една група во која сместија по една репрезентација.
Надежите дека Хрватска ќе ја „стави“ Македонија во една од групите паднаа во вода откако Хрватите си ја избраа групата Х во Загреб, Словенија ја сместија во групата Г која исто така ќе се игра во Загреб, за Унгарија ја одбраа групата Д во Вараждин, а во Ц групата, во Пореч ќе игра Австрија.
Данска си ја избра Б групата, а Германија ја сместија во групата А, додека Норвежаните го избраа Осло и Ф групата, а на Шведкса и ја доделија групата Ф.
Ждрепката за Светското првенство во ракомент ќе се одржи на 29 мај, со почеток во 19.30 часот во Загреб.
Македонија е во третиот шешир заедно со Полска, Бразил, Катар, Аргентина, Куба, Јапонија и Алжир.