Свет
Родителите во Јужна Африка револтирани поради одвојувањето на бели и црни деца во градинка
Наставничката во Јужноафриканската Република беше суспендиранa „без одлагање” по скандалот што го предизвика фотографијата со бели и црни ученици кои седеа на одделни маси во градинка во Јоханесбург.
Белите ученици, кои се во мнозинство во оваа градинка, се фотографирани на голема маса, и црни ученици на посебна мала маса во аголот на училницата. Фотографијата беше испратена до родителите на вацап-групата за да бидат во тек со тоа како децата го поминале првиот ден од наставата.
Фотографиите, се разбира, создаваат непријатни асоцијации на темниот период на апартхејдот во Јужноафриканската Република, кој заврши во 1994 година.
Viral race row picture only captured a single moment – Laerskool #SchweizerReneke | @kaveels https://t.co/loh72bvrRB pic.twitter.com/7FMkLYLjaA
— News24 (@News24) January 10, 2019
Министерот за образование Село Лехар во провинцијата Норт Вест рече дека „остро го осудува” овој инцидент и дека наставничката е суспендирана „до крајот на истрагата”.
Тој, исто така, откри дека учениците на возраст од 4 до 5 години „се разделени врз основа на тоа кој го разбира англискиот, а кој африканскиот”.
Училишната управа, исто така, го коментираше случајот тврдејќи дека контроверзната фотографија фатила само еден момент во училницата и не била вистински одраз на политиката на градинка.
Во жестоката дебата околу овој скандал на социјалните мрежи некои објавија други фотографии каде што децата седат и играат заедно, како доказ дека, сепак, не се сегрегирани со раса и дека фотографијата е тенденциозно искористена.
NOTE: Looks like the viral pic yesterday of black kids being seated away from white kids DID NOT tell the whole story.
The pic was taken at a specific moment and out of context because the kids rotated in groups throughout the period.
More pics below give context pic.twitter.com/Nvo1e2yAcA
— Phil Mphela (@PhilMphela) January 10, 2019
Сепак, мајката на црно дете изјави за „Тајмс“ дека директорот им кажал на родителите, откако некои од нив се жалеле на поделбата на црните и белите деца, дека ќе „ги среди работите” и дека неколку часа подоцна добиле нови фотографии на кои две црни деца се префрлени на маса со бели деца.
Во четвртокот пред училиштето се собраа демонстранти, од кои многумина го поддржуваат опозицискиот ЕФФ, објавија локалните медиуми. Некои бели родители, поради страв од нереди, ги повлекоа своите деца од училиште, а според извештаите на очевидец, некои родители дојдоа вооружени на училиште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.