Македонија
(Видео) Заев до Мицкоски: Молиш Бога да не ти се случат избори

Премиерот Зоран Заев, иако во еден момент призна дека му одговарале, сепак тврди дека не е за предвремни парламентарни избори заедно со претседателските, бидејќи како што рече тоа не би било погодоно сега за економија. На денешната прес-конференција одржана по повод изгласувањето на уставните измени, одговарајќи на новинарско прашање околу предлогот на опозицијата, Заев рече дека лидерот на ВМРО-ДПМНЕ, Христијан Мицкоски барал, но молел Бога, да не му се случат избори.
„СДСМ ќе го отвори ова прашање со коалиционите партнери и во партијата. Но ние сметаме дека избори во овој момент не се најдобро решение, иако анкетите се наша страна“, изјави Заев.
Сепак, Заев призна дека ќе треба да се носи со политичката одговорност за аманестијата и политичките пазарења.
„Граѓаните се тие што наградуваат и казнуваат, а тоа најдобро ќе го кажат на избори, кога ќе дојде време за избори. Ние сме свесни на одговроноста која треба да ја сносиме пред граѓаните“, додаде Заев.
На прашањето дали се чувствува уценет политичар, околу целиот процес поврзан со промена на името, Заев не даде конкретен одговор, но рече дека сето тоа што го направил било за иднината на државата и уште еднаш повтори кога веќе се помиривме со соседите, зошто да не се помириме и дома, еден и пол милион луѓе останавме во државата да ги надминеме разликите и да живееме заедно, порача Заев.
Премиерот во својот говор неколкупати го спомена ново име на државата Република Северна Македонија. Коментирајќи го ова Заев рече дека за народот да се привикне на новото име на државата, прво треба да го чуе од устата на првиот човек на Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Костадиновска-Стојчевска до Љутков: Се знае ли кој е државен секретар во Министерството за култура?

Пратеничката на СДСМ, Бисера Костадиновска-Стојчевска, на денешната собраниска седница посветена на пратенички прашања, упати прашање до министерот за култура и туризам, Зоран Љутков. Прашањето се однесуваше на прекинувањето на значајни проекти во културата и на фактот дека незаконски се претставува кој е државен секретар во Министерството за култура.
„Драго ми е што ги продолжувате проектите коишто беа наследени, како што е еден од нив – реконструкцијата на кино „Партизан“. За волја на вистината, не ги продолжувате сите, меѓутоа сепак гледаме некое поместување.
Најголем дел од проектите ги прекинавте, како „Љубојно“ и ред други значајни проекти, меѓутоа никој не дозна зошто.
Не дознавме ни зошто нема резултати од конкурсот за креативни индустрии, како што не ги видовме ниту програмите на националните установи јавно објавени, за да знае јавноста што е тоа што е одобрено“, рече Костадиновска-Стојчевска.
„Не знаеме зошто не распишувате конкурс за капиталните дотации до ЕЛС, а имате 200 милиони денари на таа сметка – конкурс којшто се објавува најдоцна до април.
Знаеме колку потрошивте за Јапонија, и дека отсега имате купено авио карта за во септември повторно за Јапонија. Изгледа убаво е таму.
Но, не знаеме кој е државен секретар во Министерството за култура. Затоа моите три прашања до вас се следниве: Кој е државен секретар во Министерството за култура на 22 мај 2025 година? Кој е државен секретар во Министерството на култура на 24 мај 2025 година? Кој е државен секретар во Министерството за култура на 26 мај 2025 година“, праша пратеничката Костадиновска-Стојчевска.
Македонија
Арсовска: Висар Ганиу фатен со криминално легализирање дивоградби со фалсификат, документи се доставени до обвинителство

„Висар Ганиу фатен со криминално легализирање дивоградби со фалсификат, за што документи се доставени до обвинителство и има изјави кои сведочат за начинот на кој ги спроведувал овие незаконски постапки, институциите уште се мислат кога да ПОЧНАТ да постапуваат“, вели градоначалничката на Град Скопје, Данела Арсовска.
„Во меѓувреме Висар си брише имотни листови од Катастар, замислете овие луѓе кои до вчера имале имот, денес немаат, поради неговите фалсификати.
Фалсификатот го запишувал во Катастар на 20.03.2025 година сред денови на жалост за трагедијата во Кочани, користејќи период кога мислел дека нема никој да примети што прави.
1. Барање за упис во катастар
2. Решение за упис во катастар со фалсификат документи
3. Барање за бришење имотен лист од катастар
4. Решение за бришење да може да го уништи досието со фалсификатите
5. Катастар за 24 часа го брише досието со што директно овозможува да можат да се уништат докази за делото
Зошто само 2% доверба имаат граѓаните во правосудството? Во моментов во затвор лежат луѓе за влез во Собранието на 27 април и за 100 ќебапи. Таму се постапило веднаш! Во Чаир кај Висар Ганиу ќе влезат да обезбедат докази за некоја година, нека троши кеш и нека ужива до тогаш!“, додаде Арсовска.
Македонија
Бројот 192 моментално не е во функција, граѓаните кои имаат потреба, да го користат 112, велат од МВР

Министерството за внатрешни работи ги известува граѓаните дека бројот 192 поради технички причини моментално не е во функција и се преземаат мерки за нивно отстранување.
„Ве информираме дека во функција е бројот 112 и граѓаните кои имаат потреба можат да го користат овој број“, додаваат од МВР.