Спорт
Рефлекторите за малку ќе го „заслепеа“ Ѓоковиќ, Серена „маршира“ во Мелбурн
Новак Ѓоковиќ немаше најдобар меч, но на крајот го доби својот прв меч против талентираниот Канаѓанец Денис Шаповалов со 6:3/6:4/4:6/6:0 во третото коло на Австралија опен, за пред него да е уште еден од „новата генерација“ во тенисот, Русинот Данил Ме…
Новак Ѓоковиќ немаше најдобар меч, но на крајот го доби својот прв меч против талентираниот Канаѓанец Денис Шаповалов со 6:3/6:4/4:6/6:0 во третото коло на Австралија опен, за пред него да е уште еден од „новата генерација“ во тенисот, Русинот Данил Медеведев, кој го елиминираше Давид Гофан.
Светскиот број 1 изгледаше дека е на пат до рутинска победа откако водеше со 2:0 во сетови и 4:2 во третиот, но кога се вклучија рефлекторите на стадионот загуби четири гема во низа и беше очигледно дека му пречеше и публиката, која застана на страна на младиот тенисер.
Меѓутоа, со искуството зад себе, Србинот бргу ја врати смиреноста и го „збриша“ 19-годишниот Шаповалов во последниот сет, кој иако несомнено има талент не беше доволно постојан.
We did NOT expect that! Seemingly bothered by the floodlights coming on, @DjokerNole has dropped the third set! pic.twitter.com/HtW5Cbcctb
— Eurosport UK (@Eurosport_UK) January 19, 2019
И Серена Вилијамс останува на добар пат до осма титула од Мелбурн, откако ја декласираше талентираната Украинка Дајана Јастремска со 6:2/6:1, додека Наоми Осака и Елина Свитолина „преживеаја“ во тешки мечеви.
37-годишната Серена загуби само девет гема во трите меча досега на „Мелбурн парк“ и ја очекува дуел со постарата сестра Венус или светската тенисерка број 1, Симона Халеп за местово четврт-финалето.
„Одам меч по меч и го давам максимумот. Тоа е единственото што го можам досега. Јастремска беше одлична, и излезе да игра. Таа има само 18 години и беше подготвена за тенис на највисоко ниво“, изјави Серена.
Фото: ЕПА
АВСТРАЛИЈА ОПЕН, 3.КОЛО
МАЖИ
Ѓоковиќ (Срб) – Шаповалов (Кан) 6:3/6:4/4:6/6:0
Медведев (Рус) – Гофан (Бел) 6:2/7:6(3)/6:3
Нишикори (Јап) – Соуса (Пор) 7:6(6)/6:1/6:2
Карењо-Буста (Шпа) – Фоњини (Ита) 6:2/6:4/2:6/6:4
Раонич (Кан) – Ербер (Фра) 6:4/6:4/7:6(6)
ЖЕНИ
С.Вилијамс (САД) – Јастремска (Укр) 6:2/6:1
Осака (Јап) – Хсиех (Тјв) 5:7/6:4/6:1
Свитолина (Укр) – Жанг (Кин) 4:6/6:4/7:5
Севастова (Лет) – Ванг (Кин) 6:3/6:3
Киз (САД) – Мертенс (Бел) 6:3/6:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе гласа за укинување на ВАР од следната сезона
Преставници на клубовите од англиската Премиер лига следниот месец ќе гласаат за укинување на ВАР, пишува The Athletic. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови.
ВАР (Видео помошник судија) беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон.
Видео проверките ја успорија играта, па често се трошеше многу време за проверка и цртање линии. Сето тоа предизвикува фрустрации кај навивачите и затоа се предлага да се укине ВАР. Исто така, ВАР не ги елиминираше судиските грешки бидејќи лошите одлуки се носат и по прегледување на видеата.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.