Спорт
Шпанците имаат „златна“ резерва – Штербик повикан во репрезентацијата!
Слично како и на минатогодишното Европско првенство во Хрватска, шпанскиот селектор Жорди Рибера беше приморан да го повика назад во репрезентацијата поранешниот голман на Вардар, Арпад Штербик, кој треба да биде „спасител“ на надежите за СП во Германи…
Слично како и на минатогодишното Европско првенство во Хрватска, шпанскиот селектор Жорди Рибера беше приморан да го повика назад во репрезентацијата поранешниот голман на Вардар, Арпад Штербик, кој треба да биде „спасител“ на надежите за СП во Германија и Данска.
Рибера беше приморан да го врати ветеранот откако на првиот голман Родриго Коралес му падна рекламно пано на ногата на тренинг и тој нема да биде во можност да настапува на шампионатот. Покрај Штербик, Шпанците го имаат и својот прв голман Перез де Варгас.
Штербик минатата година откако две години отсуствуваше од шпанската репрезентација беше вратен на шампионатот и беше најзаслужен за победите на „фуријата“ над Франција и Шведска за европската титула. Против Французите одбрани три пенали, а во финалето против Шведска имаше осум одбрани за големиот трофеј.
Фото: ЕПА
Sterbik y Goñi sustituyen a Corrales y Dani Dujshebaev en los ‘Hispanos’: El guardameta Arpad Sterbik y el lateral izquierdo Iosu Goñi sustituirán al lesionado Rodrigo Corrales y a Dani Dujshebaev, respectivamente, para el partido de este sábado ante… https://t.co/O2K9IkMADu pic.twitter.com/DJBXQavJME
— ArchieSport (@ArchieSport) January 19, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.
Спорт
Куртоа се враќа, но нема да брани во Лигата на шампионите
Првиот голман на Реал Мадрид, Белгиецот Тибо Куртоа би требало да се врати во првиот тим по тешката повреда на коленото, изјави на прес-конференција тренерот на Реал, Карло Анчелоти.
Реал игра против Кадиз во шпанската лига и тоа треба да биде првиот натпревар на Куртоа за „кралскиот клуб“ оваа сезона.
Анчелоти изјави дека Куртоа нема да брани во Лигата на шампионите.
Андриј Лунин е првиот избор на тренрот во среда, кога Реал во Мадрид ќе го одигра полуфиналниот реванш против Баерн.
Украинецот беше одличен за Реал во елитното европско натпреварување и Анчелоти не сака да го користи Куртоа кој штотуку се врати по тешката повреда.
На прашањето кој ќе брани доколку Реал влезе во финалето на Лигата на шампионите, Анчелоти одговори: „Не знам“.