Свет
Апсењето на иранската новинарка во Сент Луис е опасен преседан
Наргес Мобалеги, независна новинарка и поранешна колешка на уапсената новинарка на иранската „Прес ТВ“, Марзиех Хашеми, изјави за „Спутник“ дека неодамнешното затворање на Хашеми најверојатно ќе постави многу опасен преседан за новинарите.
Хашеми беше уапсена на 13 јануари на меѓународниот аеродром „Сент Луис Ламберт“ во Мисури додека се подготвуваше да се качи на летот во Денвер. Таа е во САД за да работи на документарен филм во врска со движењето Black Lives Matter.
Делови од налогот за апсење на Хашеми откриваат дека таа била приведена поради поврзаност со случај во Вашингтон и дека ќе биде ослободена веднаш по нејзиното сведочење.
„Хашеми е затворена од 13 јануари и сега имаме повеќе прашања, а премалку одговори. Сега знаеме дека е притворена без обвинение според многу контроверзниот закон за сведоци, но не знаеме зошто. Тоа е навистина без преседан и поставува многу опасен преседан за новинарите”, изјави Мобалеги, истакнувајќи дека трите деца на Хашеми исто така добиле судски покани.
Апсењето на Хашеми беше масовно осудено од иранските официјални претставници. Минатата недела иранскиот министер за надворешни работи, Мохамед Џавад Зариф, изјави дека нејзиното апсење е неприфатлив политички чин што ја гази слободата на говорот.
Цитирајќи судски документи, Си-ен-ен објави дека на Хашеми ѝ бил доделен адвокат и дека двапати се појавила во федералниот суд откако е уапсена. Мобалеги посочи дека властите првично ѝ го одзеле хиџабот на Хашеми, но повторно ѝ било дозволено да ја носи својата шамија откако случајот добил публицитет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин: Русија ќе продолжи да работи на формирање мултиполарен светски поредок
Рускиот претседател Владимир Путин изјави дека Русија ќе продолжи да работи со партнерите за формирање мултиполарен светски поредок, како и дека се можни дискусии за безбедносни прашања со западните земји, но под еднакви услови.
„Заедно со партнерите во евроазиската интеграција, со другите центри за суверен развој, ќе продолжиме да работиме на формирање мултиполарен светски поредок, еднаков и неделив безбедносен систем“, рече Путин на церемонијата на инаугурација во палатата во Кремљ.
Тој рече дека Русија била и ќе биде отворена за зајакнување на добрите односи со сите земји.
Русија не го отфрла дијалогот со западните земји, туку дека изборот е нивен, посочи Путин.
„Дали сè уште планираат обиди да го запрат развојот на Русија, да ја продолжат политиката на агресија, притисокот врз нашата земја кој не запира со години или бараат начин за соработка и мир“, рече рускиот лидер на церемонијата на инаугурација. .
Рускиот лидер денеска положи заклетва на церемонијата на инаугурација во Големата палата Кремљ и официјално стана претседател на Русија.
Путин ќе остане на функцијата во следните шест години, до 2030 година, пренесува РИА Новости.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.