Свет
Отворена првата католичка црква на Куба по 60 години
Во саботата беа отворени вратите на првата римокатоличка црква изградена од периодот на кубанската револуција во 1959 година, објави Си-ен-ен.
„Сега кога е довршена, ми се чини дека ја здогледавме светлината на денот“, рекол свештеникот Кирило Кастро, кој ја надгледувал изградбата на црквата. „Знаевме дека тоа ќе се случи еден ден“.
Веднаш по доаѓањето на власт во 1959 година, Фидел Кастро почнал со уривање на институционалните религии. Католичката црква ја доживувал како особено опасна закана за замислата на Куба како атеистичка држава.
За време на револуцијата, затворени се сите парохиски училишта, а свештениците биле испратени во кампови за превоспитување.
По распадот на Советскиот Сојуз во 1991 година, Кастро се обидел да ја ублажи изолацијата во која се нашла Куба повикувајќи го на гости папата Павле Втори. Потоа Божик повторно е прогласен за празник на Куба.
Тоа што комунистичката власт дозволила изградба на католичка црква претставува нова пресвртница во развојот на односите меѓу државата и организираната религија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.