Спорт
Баерн по две продолженија подобар од Фенер, Барса се „прошета“ во Грција (видео)
Баерн Минхен му го нанесе само третиот пораз во Евролигата оваа сезона на досега доминантниот тим на Фенербахче, откако по тешка борба во две продолженија триумфираше со 90:86.
Минатогодишниот финалист од Турција, успеа да направи предност од само пет поени на полувреме (29:34), по што Баерн имаше одлична трета четвртина да ја надополни разликата, по што следуваше битка поен-за-поен, во која домаќините на крајот имаа повеќе нерви.
Дерик Вилијамс и Стефан Јовиќ имаа по 19 поени, додека Владимир Лучиќ го заврши мечот со 9 поени, но тоа беа најважните на вечерта. На крајот на првото продолжение Лучиќ погоди тројка за 80:79 водство, по што беше фаулиран Жофри Ловерњ, но тој искористи само едно од двете слободни фрлања за да примора дополнителни пет минути, во кои Баерн започна со 5:0 серија и ја оддржа предноста до крај.
Барселона пак, најави дека оваа година ќе се бори за плеј-офот, откако во Пиреја против Олимпијакос стигна до убедлива 76:55 победа предводени од Крис Синглтон кој имаше 18 поени и 4 скока.
Со оваа победа, Барселона и Олимпијакос се израмнети со 12-9 скор, но шпанскиот клуб ја има предноста во тај-брејкот. Тимот на Светислав Пешиќ имаше фасцинантен старт на мечот, добивајќи ги првите десет минути со 27:6.
Во Русија пак, Џордан Мики го имаше можеби најдобриот натпревар досега во Евролигата со 20 поени и девет скока за Химки да стигнат до 74:64 победа над Жалгирис и да останат во трката за плеј-офот.
ЕВРОЛИГА, 21. КОЛО
Химки –Жалгирис Каунас 74:64 (19:17, 17:20, 11:19, 27:8)
Олимпијакос – Барселона 55:76 (6:27, 22:11, 15:17, 12:21)
Баерн – Фенербахче 90:86 (20:21, 9:13, 23:18, 14:14, 24:20)
Басконија – Макаби Тел Авив 97:73 (26:18, 28:23, 27:16, 16:16)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.