Европа
Британските пратеници бараат информации за службите изоставен од извештајот на САД
Британските парламентарни застапници настојуваат од САД да добијат информации за активностите на британските разузнавачки служби MI5 и MI6, и нивната улога во програмата за грабнување и мачење, односно ткн засилени техники на испрашување, на осомничените за тероризам, а меѓу жртвите имало и деца, коишто се изоставени од неодамнешниот извештај на американскиот Сенат за активностите на Централната разузнавачка агенција (CIA).
Британските парламентарни застапници настојуваат од САД да добијат информации за активностите на британските разузнавачки служби MI5 и MI6, и нивната улога во програмата за грабнување и мачење, односно ткн засилени техники на испрашување, на осомничените за тероризам, а меѓу жртвите имало и деца, коишто се изоставени од неодамнешниот извештај на американскиот Сенат за активностите на Централната разузнавачка агенција (CIA).
Ако споменатиот извештај одекна како бомба во САД, исто така ги поттикна и интересирањата и прашањата за улогата на британските разузнавачки служби во војната против тероризмот што ја започна Вашингтон по терористичките напади од 11-ти септември 2001 година, пишува во неделата британскиот весник The Observer.
Како најблиски американски сојузници, Британците во стапка ги следеле постапките на САД во текот на воените кампањи во Ирак и во Авганистан. Уште во 2010 година британскиот премиер Дејвид Камерон призна дека постоеле „прашања за нивото на соработка на британските домашни и надворешни тајни служби со странските разузнавачки агенции кои кон затворениците се однесувале на несоодветен начин“.
Лондон призна дека разговарал со Вашингтон за откривањето или неоткривањето на информации коишто би ја довеле во прашање „националната безбедност“, меѓутоа тврди дека не било барано изоставување на делови од извештајот коишто би оделе на штета на британските разузнавачки служби.
„Не стана збор за тоа да се бара изоставување на можните обвинувачки информации за вмешаноста на британските разузнавачки служби во активностите кои во Велика Британија се сметале за незаконски“, потврдуваат за весникот од Даунинг Стрит, седиштето на владата.
Како што пишува натаму The Observer, претседателот на Парламентарната комисија за разузнавачки и безбедносни прашања, Маклолм Рифкинд „официјално ќе побара информации за Обединетото Кралство кои биле повлечени од извештајот на американскиот Сенат“ „Единствено ќе бараме податоци кои се однесуваат на Обединетото Кралство“, истакнал Рифкинд.
Британските тајни служби биле вмешани во случаи на грабнување луѓе коишто потоа биле префрлувани во злогласниот затвор во американската воена база во кубанскиот залив Гвантанамо, каде што биле измачувани. Меѓу најгрозоморните случаи се грабнувањата деца, како на пример ткн Операција Лид во којашто агенцијата MI6 во текот на 2004 година грабнувал противници на тогашниот либиски челник Моамер ел-Гадафи, кои потоа биле затворани во занданите на режимот кој беше соборен со западна интервенција во 2011 година.
Меѓу ваквите е и случајот на тогаш 12-годишното девојченце Кадија ал-Саади, којашто заедно со целото семејство било предадено на тогашните либиски власти во заедничка операција на CIA и MI6./крај/мф/сн
Извор: The Observer
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.