Свет
Папата ќе служи миса во Обединетите Арапски Емирати
Папата Франциск, кој е првиот поглавар кој го посетува Арапскиот Полуостров, ќе учествува на меѓународниот собир во Обединетите Арапски Емирати во склоп на јакнење на врските со муслиманскиот свет.
Папата во текот на 48-часовната посета на Емирати утре ќе служи миса на отворено за 135.000 од вкупно еден милион католици во муслиманската земја.
Светиот отец, кој влезе во историјата кога синоќа слета во Абу Даби, изјави дека доаѓа како брат за заедно да ја отворат новата страница на дијалогот и заедно да дојдат на патиштата на мирот.
Се очекува папата да го отвори прашањето за Јемен, кој е уништен од војната во која се вклучени и ОАЕ, во разговорот со престолонаследникот Мохамед бин Зајед.
Како што наведува ОН, во Јемен владее најголема хуманитарна криза, која предизвикала интервенција на Саудиска Арабија, ОАЕ и нивните сојузници во војната меѓу Владата и бунтовниците Хути.
Над 10 милиони Јеменци досега се соочени со смрт од глад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Унгарија гласаше против резолуцијата за Сребреница: Сакаме да изградиме мир во регионот на Западен Балкан
Претставникот на Унгарија денеска соопшти дека таа земја гласала против резолуцијата за Сребреница и му се заблагодари на претседателот на Србија Александар Вучиќ за тоа што унгарската заедница секогаш може да смета на него.
„Унгарија ги осудува злосторствата и веруваме дека меѓународната заедница треба да биде обединета во оваа смисла. Ние сочувствуваме со жртвите на војната, нивните семејства и нивната несреќа. Сакаме да изградиме мир во регионот на Западен Балкан и внимателно ќе следиме за да избегнеме какви било ескалација и тензии“, рече таа.
Во оваа смисла, се поставува прашањето дали нацрт-резолуцијата е фокусирана на одржување на стабилноста во регионот или создава дополнителни поделби кои ќе отворат „стари рани“.
Регион
Додик: Според демократските принципи, резолуцијата за Сребреница пропадна
Претседателот на Република Српска Милорад Додик изјави дека, што се однесува до демократскиот свет и она што нè учат, резолуцијата за Сребреница денеска не доби мнозинство во Генералното собрание на ОН и таа пропадна.
„На гласањето видовме дека за резолуцијата гласаа 84 земји, што не е ниту огромно мнозинство“, нагласи Додик.
Повтори дека Владата на Република Српска го покренала прашањето за мирно одвојување од Федерацијата Босна и Херцеговина, бидејќи, како што истакна, нема причина после ова да останат и да живеат заедно во Босна и Херцеговина.
Регион
Вучиќ: Резолуцијата ќе донесе поделби не само во нашиот регион туку и во ОН
Српскиот претседател Александар Вучиќ на Генералното собрание на ОН во Њујорк изјави дека усвоената резолуција за Сребреница ќе предизвика поделби не само во регионот, туку и во Обединетите нации.
„Никогаш не се случило во Генералното собрание на ОН гласањето за прашањето за геноцидот да не се изгласа едногласно, ова се случува за прв пат затоа што некои луѓе сакаа да ја искористат својата голема политичка моќ и да ја политизираат оваа важна тема и тоа го направија. не е важно колку долго предупредувавме дека целиот процес треба да биде транспарентен и инклузивен, но тие не не послушаа“, рече Вучиќ.
Тој посочи дека за резолуцијата гласале 84 земји, додека останатите присутни не гласале за резолуцијата и дека таков чин нема да успее во ниту еден национален парламент.
„Ова е единственото место во светот каде што е усвоен ваков документ. Луѓето од некои земји ја истакнаа важноста на амандманот како нивен значаен придонес, но тоа беше само значаен придонес за поголема конфузија. Тие го направија тоа само за да го спасат образот“, рече Вучиќ.