Свет
Трамп ги згреши имињата на Бутан и Непал
Американскиот претседател, Доналд Трамп, погрешно ги изговори имињата на двете држави Бутан и Непал, за време на состанокот со разузнавачките службеници.
Како што пренесе дописникот на Си-ен-ен, Џон Волкот, Трамп на состанокот Непал го нарекол Нипл (Nipple), а Бутан – Бутан (Button). Исто така, двете држави ги нарекол делови на Индија.
Зборувајќи на брифинг со разузнавачите, Волкот наведува дека таму имало „многу работи“.
„Првата работа е незнаењето на претседателот. Тоа доаѓа до точка каде мисли дека Непал и Бутан, кои ги нарекол ‘Нипл и Батн’, се всушност делови на Индија“ рекол Волкот.
John Walcott @TIME shares his extraordinary reporting out today “’Willful Ignorance.’ Inside President Trump’s Troubled Intelligence Briefings. Added bonus: how Trump first pronounced Nepal (“nipple”) and Bhutan (“button”). Watch: #CNN pic.twitter.com/nVdzTwlQin
— Brooke Baldwin (@BrookeBCNN) February 4, 2019
Водителката на Си-ен-ен вчудовидена го прашува дописникот: Чекајте, навистина тоа го рекол“. „Навистина“ ѝ одговори Волкот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.