Свет
(Видео) Зошто многу жени пред Трамп во Конгресот беа облечени во бело
За време на говорот на американскиот претседател Доналд Трамп, кој ноќеска тој го одржа во Конгресот, можеше да се забележи дека голем дел од пратеничките се облечени во бело.
Веднаш зад Трамп, во бело палто и блуза седеше претседателката на Претставничкиот дом, Ненси Пелоси, а пред него беа други пратенички исто така во бело.
Трендот на облекување во бело го почна Демократската женска работничка група, како знак на солидарност меѓу жените, бидејќи бела боја носеле жените пред стотина и повеќе години борејќи се за своите политички права.
Меѓу демократските пратеници, кои се придружија на „белата кампања“, беше и новоизбраната Александра Окасио-Кортез, која носеше бела наметка, како и Илан Омар, која носеше бел елек и пантолони.
Модната одлука на групата го нагласи контрасот меѓу двете партии во Конгресот. Првата дама Меланија Трамп и Иванка Трамп беа облечени во црни комбинации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.