Македонија
(Видео) Бошњаковски: Оградата ќе се трга, столбовите ќе останат
![](https://makfax.com.mk/wp-content/uploads/2019/02/51574586_658741094543538_7140130160321232896_n.jpg)
Железната ограда од Владата ќе биде тргната и сместена во депо, до донесување нова одлука што ќе се прави со неа, информираше владиниот портпарол Миле Бошњаковски на денешната прес-конференција. Владата за отстранувањето нема да трошела пари на граѓаните, ќе го направела тоа работен ангажман на службите во Владата, кажа тој.
„За отстранување на оградата ќе бидат искористени внатрешни ресурси, односно постојните капацитети на службите во Владата. Бетонските столбови ќе останат затоа што се длабоко вкопани од метар и триесет под земја и нивното отстранување ќе чини многу пари. Не планираме да трошиме пари и на грбот на граѓаните да ги исправаме грешките од претходната власт. Оградата ќе биде сместена во депо“, рече Бошњаковски.
На прашањето колкава е финансиската конструкција за отстранувањето бидејќи ќе има градежни работи при процесот, Бошњаковски уверува дека тоа ќе било направено бесплатно.
„Тргањето на оградата ќе чини 0 денари. А за тоа што ќе се прави со неа, ќе донесме одлука откако ќе ги консултираме граѓаните. Ќе одржиме една-две дебати и на еден инклузивен начин, по консултации со јавноста ќе донесеме заклучок кое ќе биде најдоброто решение“, рече Бошњаковски.
Премиерот Зоран Заев рече дека прво што ќе направи кога ќе дојде на власт ќе ја отстрани оградата и ќе размисли да направи клупи од неа.
Воедно СДСМ ветуваше и дека ова ќе биде еден од првите чекори што ќе ги направи, но тоа го прави по две години откако дојде на власт.Одлуката за отстранување на оградата, односно проектот за „отворена Влада“, како што го нарекуваат, го прави пред почнување на кампањата за претседателските избори и во јавноста се отвора сомнеж за популистички чекор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.