Ливерпул подготвува нова „мега понуда“ за Александар Исак, откако првите две во износ од 120 и 140 милиони евра, беа одбиени од Њукасл, пишува специјализираниот фудбалски портал „Гол“.

Според овој извор Ливерпул се подготвени да ги испрата финансиските барања на Њукалс, односно да понудат сума од 150 милиони евра за шведскиот напаѓач.

Наводно, понудата ќе биде доставена наредниот понеделник, по натпреварот што ќе го одиграат овие два тима на „Сент Џејмс Парк“.

Ливерпул се решиле на ваков чекор, поради нарушениот однос меѓу клубовите и претстојниот натпревар.

На „Енфилд“ се убедени дека Њукасл ќе ја прифати огромната понуда од 150 милиони евра, особено сега кога Исак и клубот влего во „војна“ со зборови.

Доколку биде реализиран, трансферот на Исак би бил третиот најголем во историјата (по трансферите на Нејмар и Мбапе) и најголем трансфер ова лето.

Погледнете ги десетте најголеми трансфери во историјата на фудбалот на графиконот.

Исак не беше во составот на Њукасл за првиот натпревар од новата сезона во Премиер лигата против Астон Вила. Според извештаите, тој ќе остане надвор од тимот и против Ливерпул. Се верува дека напаѓачот нема ни да дојде на стадионот „Сент Џејмс Парк“ за да го гледа натпреварот.

Foto/ EPA/ADAM VAUGHAN

Новиот француски фудбалски прволигаш Париз го ангажираше искусниот германски голман, 35-годишниот Кевин Трап, поранешен член на Ајнтрахт Франкфурт, со кого потпиша тригодишен договор. Париз за Траш плати 1.000.000 евра.

Познато е дека мнозинските сопственици на Париз, семејството Арно, имаат речиси неограничени финансиски можности и ќе инвестираат уште повеќе во иднина, но овој пат употребија мал трик во преговорите за Кевин Трап.

Имено, Трап е голем љубител на модата, негова сопруга е бразилската манекенка Изабел Гулар, која моментално живее во Париз.

Затоа претставници на клубот од главниот град на Франција дојдоа кај Трап со многу интересен предлог, дојди и биди наш голман, а по завршувањето на кариерата можеш да бидеш лице на брендот Луј Витон.

Познатата модна куќа е во сопственост на семејството Арно.

За Трап ова ќе биде враќање во главниот град на Франција бидејќи од 2015 до 2018 година беше член на ПСЖ, со кого освои две титули во Лига 1 и два Купа.

Во текот на својата кариера, Трап одигра и девет натпревари за германската репрезентација, а најголем успех во клупската кариера му беше освојувањето на Лигата на Европа со Ајнтрахт во 2022 година.

Репрезентативецот на Јамајка, Лион Бејли ќе ја помине следната сезона во Рома како позајмен играч од Астон Вила. Клубот од Рим соопшти дека има право да го откупи неговиот договор по завршувањето на сезоната.

Бејли играше за Генк и Баер Леверкузен пред да и се приклучи на Астон Вила во 2021 година. Минатата сезона, 28-годишникот одигра 38 натпревари и постигна два гола за Вила.

Бејли, кој одигра 39 натпревари за јамајканската репрезентација и постигна седум гола, ќе го носи дресот со број 31 во Рома.

Првиот натпревар на Рома во Серија А е закажан за сабота во 20:45 часот, кога ќе ја пречека Болоња на Олимпискиот стадион во Рим.

Foto/ AS Roma