Регион
Харадинај сепак омекна, ќе ги постави царините на владина седница
Косовскиот премиер, Рамуш Харадинај, сепак попушти. Тој е подготвен да го стави прашањето за суспендирање на царините на дневен ред на седница на Владата ако тоа го предложи некој од министрите, пренесе приштинска „Коха“.
„Харадинај, според важечките правила, уставните овластувања и законот, досега ги обработи сите прашања на дневен ред и ќе продолжи со обработката на сите прашања поврзани за дневниот ред“, изјавила советничката на Харадинај, Доњета Гаши, на прашањето дали Харадинај ќе дозволи носење одлука на Владата во согласност со демократските процедури, предвидените правила на сила ако некој од членовите на Владата поведе суспензија на царините на стоките од Србија.
Харадинај вчера се закани дека никаква санкција нема да го натера да ги укине таксите за стоки од Србија и БиХ.
Неговите закани беа одговор на острите предупредувања на САД, кои упатија писмо до косовските лидери со барање за укинување на царините за Србија и БиХ и ги предупредија дека сè додека не го направат тоа, односите со нив нема да бидат вратени на претходното ниво, како безбедносните така и другите облици на соработка со Приштина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.