Три тепачки, во кои биле употребени ножеви, регситрирани се на територијата на Скопје во изминатото деноноќие, при што две лице се здобиле со убодни рани и се префрлени во болница.

Првиот инцидент е регистриран во неделата попладне  улицата .„Гвадалахара, каде по претходна вербална расправија, Г.Ј.(1953) со нож му нанел убодни рани на неговиот сосед И.М.(1974) од Скопје.Откако настанала расправија, И.М. физички го нападнал Г.Ј. удирајќи го со тупаници во пределот на главата и телото, по што тој влегол во куќата, земал нож и му нанел убодни рани во пределот на левата бутина, левата страна на стомакот и ребрата. Веднаш потоа, Г.Ј. го фрлил ножот во дворот и заедно со соседот Б.В. го однеле И.М. во неговиот дом и повикале Брза помош. И.М. е пренесен во Клиника за хируршки болести „Св.Наум Охридски“, каде е констатирана тешка телесна повреда. Увид на лице место извршила увидна екипа од СВР-Скопје, при што се обезбедени два кујнски ножеви, траги слични на крв, како и делови од облека од двајцата инволвирани во инцидентот. Г.Ј. е приведен во ПС-Чаир.Втората тепачка е регистрирана на улицата.„Ѓеорги Капчев“ околу 21,30 часот во Скопје. Според билтенот на МВР, М.Б.(1984) и С.Б.(1988) физички го нападнале С.В., при што со нож му нанеле убодна рана во пределот на градите. На повредениот му е укажана лекарска помош во ГОБ „Наум Охридски“-Скопје, каде е констатирана телесна повреда. М.Б. и С.Б. се приведени во ПС-Аеродром. Третиот инцидент е забележан во понеделникот околу 01,30 часот во Скопје на ул.520“ во населба Керамидница, до Топлификација. Според полицијата на оваа локација со возило „Опел“ со скопски регистерски ознаки дошле неколку лица, кои се обиделе физички да се пресметаат со А.К., при што истите извадиле ножеви, а еден од нив бил вооружен и со пиштол. Во врска со настанот, во ПС-Гази Баба е приведен И.И.(1978) од Скопје, кај кого е пронајден нож. Се превземаат мерки за расчистување на случајот. /крај/