Наука
Почина астронаутот Едгар Мичел, шестиот човек кој стапна на Месечината
Едгар Мичел, шестиот човек кој стапна на Месечината во рамките на првата мисија на NASA преземена по неуспехот на мисијата „Apollo 13“, почина на 85 години во градот Вест Палм Бич, во сојузната држава Флорида, објави во петокот американската агенција за вселенски истражувања.
Едгар Мичел починал во четвртокот, само ден пред одбележувањето на 45-годишнината од неговата мисија „Apollo 14“, којашто постави рекорд во должината на престојот на Месечината, се истакнува во соопштението на NASA.
Мичел, кој пилотирал со модулот за атерирање „Antares“, заедно со членот на екипажот Алан Шепард беа третиот астронаутскиот тим кој се спушти на Месечината на 5-ти февруари 1971 година. Атерираа на местото на коешто требаше да се спушти мисијата „Apollo 13“, којашто е прекината по низата технички проблеми.
Екипажот на „Apollo 14“ постави рекорд минувајќи ја и најголемата оддалеченост на Месечината, и донесувајќи месечева почва со тежина од 41,6 килограми која ја проучуваа 187 научни тимови во САД и уште други 14 земји, и останувајќи на Месечината 33 часа во текот на кои изврши две вселенски прошетки.
Првите телевизиски снимки во боја испратени од површината на Месечината, прикажале тогаш, меѓу другото, и како Шепард удира топче за голф.
Во 2011 година американската влада го тужеше Мичел поради обидот да ја продаде на аукција камерата којашто ја користел во својата вселенска мисија. Камерата подоцна ја подари на специјализиран музеј.
Откако ја напуштил NASA во 1973 година, Едгар Мичел го основа Институтот за апстрактни науки, насочен на проучување на паранормалните и психички активности и проучување на досега необјаснетите феномени, посветувајќи се до крајот на животот на проучување на темата на неидентификуваните летачки објекти (НЛО – UFO). Во својата книга „Патот на истражувачот, Мичел забележува „Постои чувството дека нашето присуство како вселенски патешественици и самото суштествување на Вселената не е случајно. Тоа е пројава на работата на (вонземски) ум“.
Едгар Мичел е роден на 17-ти септември 190 година во Херефорд, во државата Тексас. Докторирал на аеронаутика на славниот Масачусетски технолошки институт (MIT) во 1964 година. Американски астронаут станува во 1966 година, а бил и во резервниот состав на екипажот на мисијата „Apollo 9“, како и резервен пилот на модулот за атерирање на мисијата „Apollo 10“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.
Наука
Балканот ќе биде еден од најтешко погодените региони во Европа, ниту на Mакедонија не ѝ се пишува добро
Иако научниците имаат алатки и методи за мерење на влијанието на климатските промени – како може тоа да се направи така што поединецот, во својот живот, има одредена вредност со која може да измери како, под влијание на климатските промени, неговиот живот е исто така се менува?
Не е лесно да се замисли што точно е „просечно глобално затоплување од 1,5 °C или 2 °C“ и како тоа ќе го промени нашето секојдневие, пишува Слободна Далмација.
На ова се обратија истражувачите од Технолошкиот институт во Масачусетс (МИТ)”; тие развија нов начин за мерење на влијанието на глобалното затоплување во реалниот живот и предвидување на долгорочните ефекти. Излегува дека и луѓето на Балканот ќе ја чувствуваат значајната промена.
Мерката на научниците од МИТ, создадена со помош на податоци од 50 различни климатски модели, е одредена од тоа колку ќе се зголеми или опадне бројот на „надворешни денови“ на различни дестинации низ светот до 2100 година, односно 24-часовни периоди кога температурите се доволно удобни за повеќето луѓе да се вклучат во активности на отворено, без разлика дали се за работа или за одмор. Ова се денови кога не е ниту премногу топло, ниту премногу студено, што научниците го сместуваат во температурен опсег од приближно помеѓу 10 °C и 25 °C, без екстремни временски појави.
Студијата на МИТ покажа дека тропските дестинации ќе доживеат најголеми промени во деновите на отворено. Најголемиот удар ќе го претрпи Доминиканската Република која до крајот на векот ќе губи дури 124 дена пријатно време годишно. Мексико, Индија, Тајланд и Египет ќе изгубат половина од тие денови.
Во Европа, на север ќе има повеќе денови со пријатно време бидејќи зимите ќе станат потопли, но на југ екстремните горештини во летните месеци ќе предизвикаат намалување на деновите на отворено.
Според податоците на МИТ, Балканот најверојатно ќе биде еден од најтешко погодените региони во Европа. Така Албанија ќе загуби 30 дена, Србија 26, Македонија 21, Бугарија 17, а Романија 12 дена. На југ, Грција би можела да изгуби 37 денови на отворено до 2100 година поради екстремните горештини помеѓу мај и јуни, според студијата на МИТ.
Промени ќе доживее и Пиринејскиот Полуостров: Португалија ќе има 33, а Шпанија 13 помалку денови на отворено.
Истражувачите велат дека разликата веќе се чувствува во Европа, при што луѓето избираат каде да патуваат врз основа на сè поекстремните жештини на претходно популарните дестинации.
Северна Европа ќе доживее попријатни денови, но причините за тоа не се добри вести. Франција, Германија и Австрија ќе добијат меѓу 18 и 52 дена пријатно време до 2100 година, главно поради потоплите зими, но ова би можело да биде фатален удар за и онака борбената скијачка индустрија во Европа. Поради недостигот на снег, се размислува за замена со вештачки снег, но многумина мислат дека тоа ни оддалеку не би помогнало да се одржи скијачката индустрија, за која „пријатни“ и целосно профитабилни „денови на отворено“ се само оние со многу реални снег.
Наука
Еден Американец и двајца Руси со руско летало заминаа на МВС во вселената
Еден Американец и двајца Руси полетаа со руско летало од космодромот Бајконур во Казахстан до Меѓународната вселенска станица. Станува збор за астронаутот на НАСА Лорал О’Хара и космонаутите на Рокосмос Олег Кононенко и Николај Чуб.
О’Хара ќе помине шест месеци на станицата, а Кононенко и Чуб ќе останат таму една година.
Тројцата космонаути требаше да заминат во вселенската станица минатата пролет, но нивната првична капсула послужи како придружба за друг екипаж. Вториот екипаж – исто така двајца Руси и еден Американец – се враќа дома на Земјата кон крајот на овој месец.
Нивниот престој беше продолжен од шест месеци на една година бидејќи нивната капсула Сојуз испушти течност за ладење додека беа на станицата.
Според НАСА, кога командантот на мисијата Кононенко ќе го заврши својот престој во вселената, тој ќе постави рекорд како човек кој поминал најмногу време – повеќе од илјада дена – во вселената.