Спорт
Стевче Алушевски е новиот кормилар на „Еурофарм Работник“
Раководството на ракометниот клуб „Еурофарм Работник“ експресно најде замена за сега веќе екстренерот Ѓорѓе Чирковиќ, кој си даде отказ по очајното издание на клубот против Татабања, во рамки на групната фаза во ЕХФ-купот.
Во новите предизвици екипата ќе ја води новиот тренер, Стевче Алушевски, кој вели дека бил изненаден од понудата да го води клубот.
„Бев изненаден, но воедно среќен што ‘Еурофарм Работник’ ме одбра мене“ – вели Алушевски.
Од клубот преку соопштение ја информираат јавноста за чекорите што се преземени.
„Ја информираме јавноста дека РК ‘Еурофарм Работник’ во реализација на своите зацртани цели, СЕХА-лига за наредна сезона, финале на Куп на Македонија, достојно претставување во преостанатите натпревари од групната фаза на ЕХФ-купот продолжува со нов шеф на стручниот штаб. Тоа е Стевче Алушовски. Во име на клубот го изразуваме нашето огромно задоволство што битолската ракометна легенда седнува на тренерското столче на нашиот клуб. Убедени сме дека неговото знаење, искуство, професионалност и посветеност на работата ќе придонесат за остварување на нашите цели и прогресот на нашиот клуб“ – се вели во соопштението на „Еурофарм Работник“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гринвуд ја испрати Алмерија во Сегунда
Хетафе, во 33.коло забележа победа во Алмерија 3.1 Со овој пораз фудбалерите на Алмерија и официјално испаднаа од шпанската Примера.
Гостите поведоа во 27. минута со голот на Мејсон Гринвуд, а израмни Чоко Лозано на четири минути пред крајот на првото полувреме.
Најдобриот играч на натпреварот, Гринвуд му ја врати предноста на Хетафе со гол по само три минути игра во вториот дел.
Откако постигна два гола, Англичанецот во 61. минута му асистираше на Хаиме Мата за третиот гол на Хетафе.
Во последните моменти од играта нервозниот Виеира доби црвен картон и во самиот финиш ја остави Алмерија со играч помалку.
За Хетафе ова беше втората победа сезонава на гостински терен. Тимот на Хосе Бордалас се наоѓа на деветтата позиција со 43 бода.
Спорт
(Видео) Барнли однесе бод од „Олд Трафорд“
Фудбалерите на Манчестер јунајтед уште еднаш ги разочараа своите навивачи. Во рамките на 35.коло одиграа 1.1 со Барнли, кој во финишот освои значаен бод в борбата за опстанок.
Антони во 80.минта погоди за предност на Јунајтед, а потоа Амдуни во 87. минута од пенал го замолкна „Олд Трафорд“ и му донесе бод на Барнли.
Манчестер јунајтед сега е шести со 54 бодови, додека Барнли се уште е 19-ти, сега има 24 бода.
Јуанајтед на шестото место има бод повеќе од Њукасл, кој со одлична игра во второто полувреме убедливо го совлада Шефилд јунајтед со 5:1. Њукасл постигна пет гола откако Ахмедхоџиќ во петтта минута погоди за Шефилд. Два гола во победата на Њукасл постигна Исак.
Фудбалерите на Кристал Палас успеаја да дојдат до бод во градското дерби против Фулам во самиот финиш на натпреварот со голот на Шлуп. Претходно, Родриго ја продолжи добрата серија и го доведе својот тим до предност.
Вулверхемптон успеа да го совлада Лутон со головите на Хванг и Тоти. Лутон успеа да намали во 81. минута преку Морис, но недоволно за да освои барем бод.
Спорт
(Видео) Лајпциг го растури Дортмунд
Елиф Елмас од клупата за резерви ја гледаше победата на Лајпциг над Борусија Дортмунд (4:1), во 31.коло во Бундес лигата. Извесно е дека Лајпциг сезоната ќе ја заврши на четвртото место, Дортмунд е на петтата позиција, но ќе игра во Лигата на шампионите, бидејќи во новиот формат Бундес лигата ќе партиципира со пет екипи.
„Милионерите“ подобро влегоа во натпреварот, надмоќта ја крунисаа со евро-голот на Џејдон Санчо во 20.минута. Останатиот дел од натпреварот мина во доминација на Лајпциг.
Три минути подоцна изедначи Опенда. Во финишот на првото и почетокот на второто полувреме„биковите“ го скршија отпорот на противникот.
Шешко во втората минута од судиското надополнување на времето го постигна вториот гол, а Симакан во 46. зглеми на 3:1. Точка на натпреварот стави Баумгартнер во 80.минута.
Резултати 31. коло:
Баерн Минхен-Ајнтрахт 2.1
Аугсбург-Вердер 0:3
Фрајбург-Волфсбург 1:1