Спорт
Трипл-дабл на Дончиќ пораз на Далас (видео)
Лука Дончиќ запиша трипл-дабл, но неговиот Далас Маверикс не успеа да го совладаат ЛА Клиперс. Во Лос Анџелес, Клиперс победи 121:112. ЛА Клиперс е на седмата позиција на Западот со 34 победи и 28 порази, а Далас е далеку од местата што носат плејоф. Маверикс со 26 победи и 34 порази е 13-ти во конкуренција на 15 екипи во Западната конференција.
Далас успеа да биде во егал со Клиперс во првите три четвртини. Маверикс имаше неколкупати предност од пет поени, но Клиперс не му дозволи да се одлепи. ЛА Клиперс во финишот на третиот и четвртиот период создаде двоцифрена разлика, што на крајот му ја донесе победата.
Дончиќ го предводеше Маверикс со 28 поени и по 10 скока и асистенции. За Словенецот, ова беше четвртиот трипл-дабл во кариерата.
Најефикасни играчи на Клиперс беа Монтрезл Херел (32 поени), Лу Вилијамс (21 поени), Данило Галинари (20 поени) и Парик Беверли (19 поени, 8 скока, 9 асистенции).
Резултати:
Шарлот Хорнетс-Голден стејт Вориорс 110:121
Кливленд Кавалирс-Портланд Трејлблејзерс 110:123
Детроит Пистонс- Индијана Пејсерс 113:109
Бруклин Нетс-Сан Антонио Спарс 101:85
Мајами Хит-Феникс Санс 121:124
Чикаго Булс-Милвоки Бакс 106:117
Хјустон Рокетс0Атланта Хокс 119:11
Мемфис Гризлис-ЛА Лејкерс 110:105
Минесота Тимбервулфс-Сакраменто Кингс 112:105
Њу Орлеанс Пеликанс-Филаделфија 110:111
ЛА Клиперс-Далас Маверикс 121:112
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.