Македонија
СДСМ: Покрената е дисциплинска постапка против 11 вработени во затворот „Скопје“
Пропадна обидот на Христијан Мицкоски и Никола Груевски преку насилничко сценарио да ја дефокусираат јавноста, од фактот дека токму врвот на ВМРО ДПМНЕ е главниот осомничен за организирање на насилствата на крвавиот 27 април, соопшти СДСМ.
„Пропадна и театарот на Мицкоски со кој се обидуваше да предизвика инциденти во Градската општа болницата ‘8 Септември’. Благодарение на брзата и професионална реакција на институциите, им пропадна целата провокација и смисленото сценарио на Мицкоски и Груевски.
Инцидентот се расчистува. Започната е темелна истрага, подготвен е извештај кој е предаден во Владата. Директорот Ѓоко Котевски поднесе оставка, а против 11 лица вработени во затворот е покрената дисциплинска постапка поради пропусти во работењето.
Институциите и граѓаните нема да дозволат Мицкоски и Груевски да ја втурнат Република Северна Македонија во нови кризи и тензии, да ја загрозат иднината на државата и сигурноста на граѓаните, само за одбрана на организаторите и нарачателите на насилствата од 27 април.
Насилството ќе биде санкционирано, Мицкоски нема да успее, ќе има одговорност за нарачателите и реализаторите на крвавиот 27 април“, велат од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.