Свет
Откриено е зошто Трамп ги прекина разговорите со Ким
Самитот на лидерите на САД и Северна Кореја е завршен предвреме поради барањето на американскиот претседател Доналд Трамп да се затвори тајната постројка за збогатување ураниум, пишува „Сандеј тајмс“, повикувајќи се на поранешниот соработник на амбасадата на Северна Кореја во Лондон, пренсе „Спутник“.
Весникот оценува дека се работи за објект кој наводно се наоѓа во градот Чолим, неколку километри од Пјонгјанг. За време на преговорите, САД соопштиле дека знаат за таа фабрика и побарале да се ликвидира. Но, откако Ким Џонг Ун тоа го одбил, преговорите биле прекинати. Веднаш потоа, Трамп замина за САД, а Ким ја продолжи посетата на Виетнам.
„Сандеј тајмс“ пишува дека американската разузнавачка служба одамна знае дека во Северна Кореја постои уште една постројка за збогатување ураниум. До тој заклучок дошол Центарот за неширење нуклеарно оружје на Институтот за меѓународно истражување Мидлбери во Калифорнија, на основа на анализите на сателитските снимки.
Претходно Белата куќа соопшти дека Трамп и Ким не постигнале договор на самитот во Ханој, но дека имале добар и контруктивен разговор. А севернокорејскиот министер за надворешни работи Ри Јанг Хо изјави дека Пјонгјанг понудил да ги уништи своите нуклеарни објекти ако делумно бидат укинати санкциите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најголемата компанија за вода во САД погодена од сајбер напад
Најголемата компанија за вода во САД, American Water, денеска откри дека неодамна била погодена од сајбер напад и дека поради тоа го затворила својот портал за услуги на клиентите.
Компанијата со седиште во Камден, Њу Џерси, на својата веб-страница соопшти дека минатиот четврток станала свесна за „неовластена активност во нејзините компјутерски мрежи и системи“, за која утврдила дека е „резултат на инцидент со сајбер безбедноста“, објави CNN (CNBC).
Компанијата, исто така, рече дека нема да наплатува никакви задоцнети такси или други такси додека системот не работи.
Свет
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Свет
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.