Регион
Словенка за пари си ја отсекла раката, полицијата ја откри измамата

Словенка намерно си ја отсекла раката за да земе пари од осигурувањето. Но, измамата била откриена, а таа останала покуса за 383.000 евра. Овој неверојатен случај на измама што го испланирала 21-годишната Словенка е главна тема во медиумите во регионот.
Заедно со неа за планирање и извршување обид за измама се осомничени тројца мажи од Љубљана и околината, 29-годишник, 58-годишен и 63-годишниот маж, во чиј дом сè било испланирано и направено.
На крајот на минатата недела полицијата успеа да го реши случајот и да поднесе кривични пријави. Сите четворица беа уапсени минатата недела по што двајцата беа ослободени од притвор и ќе се бранат од слобода, а 21 девојка и нејзиниот 29-годишен помагач се во притвор.
Во случај измамата да успеала, Словенката од осигурителните компании ќе зела 383.000 евра отштета, а веројатно и повеќе од три илјади евра доживотна месечна рака за инвалидност. Но, планот го осуетила полицијата, која утврила дека девојката, која е од околината на Љубљана, намерно си ја отсекла раката над зглобот, а потоа побарала отштета од повеќе осигурителни компании пријавувајќи дека станува збор за несреќа при сечење гранки за огрев со циркуларна пила.
Во текот на истрагата било утврдено дека осомничените направиле детален план на крајот на минатата година и меѓусебно си поделиле улоги. Потоа тие склопиле осигурителни полиси во случај на несреќа со пет осигурителни компании, во кои биле предвидени високи парични отштети и ренти. На почетокот на годината, кога ја уплатиле првата рата за осигурување, 21-годишната девојка намерно си ја отсекла раката со цел тоа да го прикаже како несреќа.
63-годишникот, кој учествувал во обидот за измама, ѝ укажал прва помош и повикал лекари, но отсечениот дел од раката го оставил на местото на наводната несреќа. Подоцна полицијата ја зела раката и ја однела во болница, каде што лекарите ѝ ја сошиле спасувајќи ја од траен инвалидитет.
Неколку дена по наводната несреќа осомничените поднеле барање за отштета, но полицијата во тоа препознала обид за измама. За обид за измама на повеќе осигурителни компании им се заканува од една до осум години затвор
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора го прогласи 14 август за Ден на жалост поради смртта на војникот

Владата на телефонска седница одлучи задутре, 14 август, да го прогласи за Ден на жалост поради смртта на војникот, кој денес загина при превртување на цистерна додека помагаше во гаснење пожар.
Помладиот водник Дејан Божовиќ од Даниловград загина, а водникот Марко Иковиќ се здоби со тешки повреди при гаснење пожар во областа Кучи, во Црна Гора, објави Министерството за одбрана на Црна Гора.
Војската на Црна Гора, во соработка со надлежните органи, спроведува истрага за да се утврди причината и околностите на несреќата.
Регион
Објавен идентитетот на војникот кој загина во Црна Гора кога се преврте цистерна за гаснење пожар

Помладиот водник Дејан Божовиќ од Даниловград загина, а водникот Марко Иковиќ се здоби со тешки повреди при гаснење пожар во областа Кучи, во Црна Гора, објави Министерството за одбрана на Црна Гора.
Помладиот водник Божовиќ бил припадник на 1-ви пешадиски баталјон, оженет и татко на четири деца. Тој бил во Армијата од 2006 година и бил митралезец на 120-милиметарски минофрлач.
Повредениот водник Иковиќ, исто така припадник на 1-ви пешадиски баталјон, бил лекуван и префрлен на медицинска помош. Тој има сериозни повреди, но во моментов е во стабилна и свесна состојба.
Војската на Црна Гора, во соработка со надлежните органи, спроведува истрага за да се утврди причината и околностите на несреќата.
Фото: Принтскрин
Регион
Додик ја откупи едногодишната затворска казна

Претседателот на Република Српска, Милорад Додик, ги исплати парите што ги искористи за замена на едногодишната затворска казна што ја доби по конечната пресуда за непочитување на одлуките на високиот претставник, објави Кликс.ба.
„Одлучувајќи по барањето на одбраната на осудениот Милорад Додик за замена на изречената затворска казна со парична казна, Судот, во согласност со законските прописи, донесе одлука со која, по изјавата на Обвинителството на БиХ, беше усвоен горенаведениот предлог на одбраната, а затворската казна на осудениот Милорад Додик беше заменета со парична казна“, соопшти Судот на БиХ.
Додик платил 36.500 КМ 18.662 (евра), или 100 КМ за секој од 365-те дена што требало да ги помине зад решетки.
Покрај затворската казна, на Додик му е забрането и политичко дејствување во траење од шест години. Поради овој дел од пресудата, Централната изборна комисија на Босна и Херцеговина му го одзеде мандатот како претседател на Република Српска.
Одлуката на Комисијата денес ја прими неговиот адвокат, Горан Бубиќ, кој поднесе жалба. Се очекува одлуката на Жалбениот совет да биде објавена следната недела.
фото: принтскрин