Спорт
Ливерпул ја освои Баварија, Барса ги комплетираше најдобрите осум во ЛШ (видео)
Ливерпул стигна до импресивна 3:1 победа на гостувањето на „Алијанц арената“ за да ги елиминира Баерн Минхен и заедно со Барселона, која со 5:1 го победи Лион, станаа последните два тима кои се пласираа во четврт-финалето на Лигата на шампионите.
Со оваа победа, Ливерпул се приклучува на Тотенхем и двата клуба од Манчестер како четврти англиски претставник во четврт-финалето, каде што уште се и Барселона, како единствен претставник на Шпанија, Јувентус од Италија, португалскиот гигант Порто и холандскиот Ајакс. Ждрепката е во петок, а овојпат нема носители, ниту правила за избегнување.
Дека Ливерпул е дојден во Минхен по победа беше јасно уште на стартот на мечот, кога Садио Мане во 26. минута одлично се снајде и ја искористи грешката на Нојер за да им донесе водство на „црвените“, со кое беа на чекор до пласман понатаму, бидејќи првиот натпревар во Англија заврши 0:0.
Само 13 минути подоцна, Баерн израмни преку автоголот на Жоел Матип, но на тимот на Нико Ковач му беше потребен уште еден гол за да обезбеди пласман. Сепак, надежите за вакво нешто ги уништи Виргил ван Дајк, кој по корнерот на Милнер го „натскока“ Мартинез за да ја забие топката во долниот лев агол. Во 84. минута, Садио Мане стави точка на натпреварот, откако по одличната асистенција на Мо Салах, го совлада немоќниот Нојер, што значеше прва елиминација на Баерн во осминафинале на ЛШ од 2010/11.
Со оваа победа, Ливерпул останува со надежи за уникатна двојна титула, од Лигата на шампионите и од Премиер лигата, во сезона која долго ќе се памети кај навивачите на „црвените“.
На „Ноу Камп“ пак, Барселона во крајот го скрши отпорот на незгодниот Лион со 4:1 откако првиот меч во Франција заврши без голови. Блауграна, исто како и Ливерпул, останува во лов на повеќе титули оваа сезона – во Ла лига, во Копа дел реј и во ЛШ.
Барса дојде во водство во 18. минута со гол од пенал на Лео Меси, за по 31. минута игра, голот да го затресе и Филипе Кутињо за лесна 2:0 предност. Меѓутоа, второто полувреме беше направено интересно од Лукас Тусар, кој во 58. минута намали на 2:1 и на „лавовите“ им беше потребен само еден гол за да одат понатаму (поради правилото гол-на-гости).
Сепак, ова не се случи и Лион до крајот прими уште три гола – прво повторно од Меси во 78. минута, потоа преку Жерард Пике три минути подоцна, за Усман Дембеле во 86. минута да ја комплетира катастрофата на гостите.
ЧЕТВРТ-ФИНАЛИСТИ НА ЛИГАТА НА ШАМПИОНИТЕ
Ајакс (Хол)
Барселона (Шпа)
Јувентус (Ита)
Ливерпул (Анг)
Манчестер сити (Анг)
Манчестер јунајтед (Анг)
Порто (Пор)
Тотенхем (Анг)
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Белгија без Куртоа на ЕУРО 2024
Белгискиот голман Тибо Куртоа ќе го пропушти претстојното Европско првенство во Германија поради повреда на лигаментите на коленото.
Куртоа ја пропушти целата сезона и му требаше уште една операција во март кога се појавија проблеми во неговото закрепнување.
Тој би можел да се врати на терените во тимот на Реал Мадрид пред крајот на сезоната, но селекторот на Белгија, Доменико Тедеско го отпиша од тимот, објави Би-би-си.
Куртоа, кој досега одигра 102 натпревари за Белгија, во декември изјави дека нема целосно да се опорави за да игра во натпреварувањето во Германија.
„На оваа тема веќе се е кажано. Се концентрираме на играчи кои се во добра форма – изјави Тедеско за германските медиуми.
Тренерот на Реал Мадрид, Карло Анчелоти изјави дека се надева дека Куртоа ќе се врати на теренот за саботниот натпревар од Ла Лига против Кадиз.
Спорт
Тухел го обвини Ким за ремито против Реал
Foto/ EPA
Баерн Минхен и Реал Мадрид одиграа 2:2 во првиот полуфинален натпревар во Лигата на шампионите.
Баерн не успеа да ја искористи надмоќта во поголемиот дел од натпреваорт и со предност да патува во Мадрид на реваншот.
Виновник е Кореецот Ким Мин-Јае, згреши кај двата гола.
„Беше премногу алчен и во двата случаи. Прво, прерано стартуваше на Винисиус за првиот гол, а Тони Крос со додавање го фати на погрешна нога. Тој ризикуваше и беше премногу агресивен. Истата грешка ја направи и кај вториот гол. Игравме пет на два, бевме повеќе. Немаше потреба толку агресивно да го брани Родриго. Кога Даер се обиде да му помогне, Ким го собори Родриго. За жал, со квалитетот што го има Реал тие грешки се казнуваат. Тоа се случува, мора да продолжиме понатаму“, изјави Тухел.
Реваншот на „Сантијаго Бернабеу“ на програмата е наредната середа.
Спорт
(Видео) Нестварна секвенца на Мекси, ја спаси Филаделфија од елиминација
Неверојатната партија на Тајрис Мекси ги обележа плеј-оф натпреварите одиграни во Источната конференција.
Филаделфија победи во Њујорк по едно продолжение со 112:106 и го намали резултатот во серијата на 2:3.
Тајрис Макси го замолкна „Медисон Сквер Гарден“ во последните 25 секунди. Бекот на Севентисиксерс, најпрвин погоди тројка под фаул, потоа Џош Харт на спротивната страна реализираше едно слобоно фрлање, а во последните напа Мекси погоди тројка од 10 метри и избори продолжение.
Во продолженијата шокираните играчи на Њујорк немаа никакви шанси.
Мекси натпреварот го заврши со 46 поени, пет скока и девет асистенции. Го следеа со по 19 поени Џоел Ембид и Тобајас Херис. Ембид имаше и 16 скокови и 10 асистенции.
На спротивната страна Џејлен Брансон заврши со 40 поени.
Кошаркарите на Милвоки на домашен терен ја победија Индијана со 115:92 и намалија на 3:2 во првото коло од плејофот на Источната конференција.
Повторно го немаше Јанис Адетокумбо, но овојпат тимот од Висконсин успеа да најде начин целосно да го уништи тимот на Пејсерс.
Ослабените Бакс до победата ги предводеа Крис Мидлтон и Боби Портис со по 29 поени. Портис забележа и 10 скока, а Мидлтон 12 скока и пет асистенции и беше клучен фактор во победата.
Кај поразениот тим најефикасен беше Тајрис Халибартон со 16 поени, но далеку од тоа да го спречи убедливиот пораз на својот тим.
Индијана ќе има „меч-топка“ на следниот натпревар кој е закажан за ноќта меѓу четврток и петок, а во кој е домаќин.
Кливленд води против Орландо со 3:2, откако славеше победа со 104:103.
Еван Мобли на шест секунди до крајот го блокира Франц Вагнер и го однесе Кливеленд до победата.
Шестиот натпревар од оваа серија ќе се одигра во петок кога домаќин ќе биде Орландо.
Во евентуалниот седми, Кливленд повторно ќе ја има предноста на домашниот терен.