Спорт
Судел на три Мундијали, а сега е осомничен дека присилувал колеги на секс
Поранешниот колумбијски судија, Оскар Руиз, еден од најдобрите јужноамерикански делители на правдата е осомничен дека од тројца колеги – судии барал сексуални услуги во замена за да им помогне професионално да напредуваат.
42-годишниот судија ја делеше правдата на Светските првенства во 2002, 2006 и 2010 година, а сега работи како ФИФА – инструктор по судење.
Судиите Харолд Периља, Карлос Чавес и Хулиан Меија рекле дека Руиз со години сексуално ги вознемирувал.
„Сексуално ме вознемируваше во 2007 година, се додека не се повлеков. Не престануваше, секогаш бараше физички контакт. На почетокот ми зборуваше болни работи. Најлошото беше кога се обидуваше да ги допре моите тестиси и задникот. Го одбив и тогаш почнаа проблемите со него“ – раскажал Периља за колумбиско радио.
Тој истакнал дека Руиз е многу интелигентен затоа што никогаш не оставил никаква пишана трага.
Чавес, пак, раскажал за детали од инцидент кој се случил по еден натпревар во Купот на Колумбија.
„Излегов од бањата, а тој ме допре по задникот и ми рече: Ова вечерва ќе ја плаќа сметката. Му реков да не си игра со мене“ – вели Чавес.
Постапка против осомничениот судија била водена во 2010 година поради вознемирување на колегата Маурицио Санчес, но тој бил прогласен невид поради недостаток од докази.
#Colombia Árbitro Harold Perilla acosado sexualmente por Óscar Ruiz e Ímer Machado.https://t.co/kwExx8zdYB pic.twitter.com/Pzke063nQE
— ONDAS DEL META 1170 (@ondasdelmeta) March 13, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.