Спорт
Хамилтон на пол-позицијата во Австралија
Актуелниот светски првак, Луис Хамилтон, во новата сезона ќе стартува од пол-позицијата на трката за Големата награда на Австралија. Доминацојата што во новата сезона Мерцедес ја пренесе од финишот на минатото првенство ја потврди колегата на Хамилтон, Валтери Ботас, кој трката ќе ја стартува од второто место.
Возачите на Мерцедес го окупираа првиот стартен ред во Мелбурн Парк, каде в недела ќе се вози првата трка во новата сезона, Големата награда на Австралија.
Хамилтон имаше резултат 1:22.043 минути, а Ботас 1:22.367. Британецот ја освои 84 пол-позиција во кариерата.
Разочара во квaлификациите Себастијан Фетел од Ферари, кој доминираше во претсезонските тестирања. Германеоцт го освои третото место (1:22.885). Вториот ред го комплетираше Макс Ферстапен на Ред Бул.
Петото место му припадна на новото име во Ферари, Шарл Леклер, а потоа следуваат пилотите на Хас, кои имаа добри квалификации: Роман Грожан и Кевин Магнусен.
Успешни квалификации имаше и новиот возач на Мекларен, дебитантот Ландо Норис, кој ќе стартува од осмото место.
Трката за Големата награда на Австралија утре ќе стартува во шест часот по средно-европско време.
Q3: Full classification
Big things from @Max33Verstappen taking Red Bull-Honda to the second row ?
And @LandoNorris is the fastest Renault-powered car on his first F1 qualifying ?#AusGP ?? #F1 pic.twitter.com/LXcNo02yAU
— Formula 1 (@F1) March 16, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.