Спорт
Несторовски со два гола и асистенција, Палермо го „прегази“ Карпи (видео)
Палермо се доближи на еден поен од лидерите во Серија Б, Бреша, откако денеска со 4:1 го победи фенерџијата Карпи благодарение на одличниот старт на мечот на Илија Несторовски, кој имаше гол и асистенција во првите 15 минути.
Несторовски прво во 11. минута му асистираше на Фалети за 1:0, за само четири минути подоцна и самиот да ја затресе мрежата. Палермо, кој го следи финансиска неизвесност по пропаста на продажбата на клубот на американскиот конзорциум, потоа прими гол во 46. минута од мечот, но гостите добија два црвени картони за да осигураат сигурен финиш на мечот.
Во финишот на мечот, прво Пушкаш во 85. минута зголеми на 3:1, пред само две минути подоцна да му асистира на Несторовски за комплетирање на 4:1 триумфот. По ова Несторовски излезе од игра, придружуван од овации на „Ренцо Барбери“.
#Palermo with their final change as Nestorovski comes off to a standing ovation. Moreo on.
— Ultra Palermo (@UltraPalermo) March 17, 2019
Палермо има 49 поени на второто место во Серија Б, еден помалку од лидерот Бреша, но и три повеќе од третопласираната Верона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.